ياناس احبه واحب ابوه واخوانه

[بنت برقا]

ازدادت جنون قلبي يوم جيرانه *
مروني البارحه مع جنب مشذوبه*
والقلب طيرن كفخ بالجو جنحانه *
خلاني وقت السفر ثم اتجه صوبه*
ياناس احبه واحب ابوه واخوانه*
واحب اوجه ليا سجيت بدروبه*
والله لولا الحيا لاطق بيبانه*
واقول قلبي عشقك وصرت محبوبه
مير الظروف المقيمه مالها خانه*
كم واحدن حدته ماشاف مطلوبه*
لكن من شان قلبً حب ومن شانه*
**اصبر على النار لو النار مشبوبه
ورغم الحصون المنيعه داخل اوطانه*
مكانته بالحشا ماهي بمحجوبه **
وشلون ابنسى الهوى والحب وازمانه
واشعار حبً من الاعماق مسحوبه*
و لو الشعر يعترف للناس بلسانه*
كان انكشف للخلايق سر مكتوبه*
*

يوسف سليم المشرافي

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

[سعيد محمد القحطاني]

يالله يالله جعل يدك تسلم وفكرك وكلك
شهادتي. فيك مجروحه عسى ربي يوفق هالوجه الطيب
قصيده كفو تنسيق كفو كلك على بعضك كفو
تقبلي تواضع مرور اخوك سعيد مع اطلق تقييم

[بنت برقا]

الله يسلمك كلك

على توجدك العذب

في متصفحي

[عتيبي نجد]

ياسلام على القصيدة الرائعة

شكرا لكِ

تحيتي

[بنت برقا]

حياك الله

اسعدني تواجدك العذب

[الفلوه]

قصيده رائعه
واحسااس رائع وكلمات جميله
لاهنت علي هذا التالق والتميز الدائم

[بنت برقا]

حياك الله

اسعدني تواجدك العذب

[شـمـآلـي]

بنت برقا
هذا الشاعر له وصف وخيال بالمحبه
وهو كل ماله يسرح بطيفه ويهوجس
والبنت طاحت بساحة حبه
وقامت تهوجشس فيه وتحن وتشتاق له
بس اللي منعها من كل شي الحياء
روعه بالاحساس والهوجاس
صح السانك

[هايدي الحلوه]

مير الظروف المقيمه مالها خانه*
كم واحدن حدته ماشاف مطلوبه*
لكن من شان قلبً حب ومن شانه*
**اصبر على النار لو النار مشبوبه



الله مبدعه يابنت برقا

[محمد الوريكي]

يسلم الذوق وراعيه
لاهنتي بنت برقاااا