جديد بن فطيس : الصيـد والقيعـان

[سااهر]

.


على اللي يقـرّب شـرّد الصيـد والقيعـان
ويبعد بمـن ضاقـت بـه الـدار مـن داره

صنع للسماء .. لكن تمالـوا هـل اليابـان
وحطـوه سيـاره وهـو كــان طـيـاره

على الارض .. لكن مايغبطك يا بو جنحـان
اذا غطـك مسـيّـان تسريـ بـه أنــواره

غرام البعيـد المنكـف العاشـق الولهـان
ومرام الغريب اللـي تضايـق مـن زراره

على القار .. ماتسمع هوى من ورى البيبان
وعلى الرمل .. مايدخل مع الشنطـه غبـاره

اذا جاك سوّاقـه مايشكـي الجـذا تعبـان
وينعـس بركّـابـه اذا طــال مـشـواره

يحبـه فقيـر النـاس ويحبـه السلـطـان
ولاغيـره لراعـي المقانـيـص سـيـاره

ينـزّل هـواه ويجحـد الويـل والسيمـان
وياخـذ شهـر ماجـرّت يمينـه عـيـاره

وسومه من الشركه على الشبك والسّكّـان
وعلى شنطته وسم وعلـى مقدمـه شـاره

يسوقه بحيحي ٍ جايزن له وهـو طربـان
غرامه ولو كثر التعـب .. قبضة الطـاره

ولـد راعـي الرملـه الا عـدّو الفرسـان
تنــقّـاهـ من بـيــن الــسيـايـر وأخـتــاره


..........

 

 

 

 

 

 

 

 

توقيع : سااهر

[المشيعي بالعبيد]

ساهر

اش ك رك

تحياتي لك