ياسعود

ياسعود

قامت تعاظم غربة الروح يا سعود
.................يالله دخيلك و استجدت جدايد

تغربت وسط الجسد روح مجحود
..................في دارها ولون راحت بدايد

والشوف ذاب وخالطت بيضها سود
............والزود نقص و ناقص العلم زايد

من اول والطيب للناس مقصود
.................واليوم صارت طيباته شرايد

للوقت تالي مثل باديه مشهود
............فيه الجهل عود على الناس سايد

ياعازف عمري على نغمة العود
.................هذي حياتي غنها لي قصايد

مر على الهين و مر على الكود
..........و عمر الفتى لحظات هين و كايد

و اسمع من الخفاق رجع و مردود
.................قلب مع الونات قد له عوايد

المصدر: الملتقى الجماهيري للشاعر محمد بن فطيس المري