مانيب من يهوى سرايا وانصـاف .. انا هــواي وبس بنت الجزيــره ..!

مانيب من يهوى سرايا وانصـاف .. انا هــواي وبس بنت الجزيــره ..!

راااااااقت لي ..


قصيدة لشاعر تجاه بنات الخليج ....
يلي تنشد عن علوم اللي طاف .. كل البحور وكل دوله وديره
خذمن علومي علم اوصافه اوصاف .. جزل سمين يشتعل له سعيده
الزين عقب المغربيات ينعاف .. غيدلهن بالزين ذكره وسيره
فيهن حلا طاغي ولين تعطاف .. وفيهن حنان يشعل القلب غيره
حلوات وصف وفاهمات بالاعراف ..زينات منطق صافيات السريره
بنات قوم طيبهم غصب ينشاف .. اولاد مغرب بالليالي العسيره
يللي تنشد عن علومي بالانصاف .. هرجي يكفي صامله عن كثيره
الزين في لمياء وتغريد والطاف .. ماهوب في حصه وكشره ومنيره

...............................


رد عليه الأميــر المرحوم / طـلال الرشيد .."الملتاع"

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يابن الحلال ان طعتني خل الاسـراف .. واترك جمال الغيد لاهل البصيـره

الزين موبس في الملامح والاوصاف .. الزين روح وعفه وطيب سيـره

مانيب من يهوى سرايا وانصـاف .. انا هــواي وبس بنت الجزيــره

بنت الخليج اللي تماري بالاعــراف .. وحنا نماري باسمها كل ديـره

مالــي غرام بقول وخا وبالـزاف .. اذبحتني عند الطرحه المستديره

احب قولة " ياهلا وعل وماخــلاف" .. من بنت ثوبي بنت الارض النضيـره

اللي تحلاها الظبي حلو الاطــراف .. جمال في عفه ورقه وغيــره

واللي بها سحر مهو سحر عــراف .. ياعل عين ماتراها ضريـره

عطف وحنان وذوق في لين الاعطاف .. والى كشفت لثامها شفت أميـــره

صعب على اللي بالردي شاف ماعاف .. وحلوه على اللي سنه الله ضميــره

شمس الى من اشرقت والدجا طـاف..غابت نجومك غصب لو هي كثيــره

السيف مايزهى سوى كف سيـاف .. والخيل دون حصانها مستخيــره

بس أنت دورلك على قدك لحـاف .. وان طعتني دور بدلنا عشيـــره


"رحمه الله واسكنه فسيح جناته"

المصدر: الملتقى الجماهيري للشاعر محمد بن فطيس المري