قصيدة نادرة للأمير ضيف الله بن تركي بن حميد - الملتقى الجماهيري للشاعر محمد بن فطيس المري

الاوسمة · #1 02-14-2011, 05:30 AM

قصيدة نادرة للأمير ضيف الله بن تركي بن حميد

يالله ياللي نطلبـك دايـم الدوم =يا مخلف النيه بنقـض العزايـم
الكبد ما تقبل من الـزاد مطعـوم= من شافني كني عن الزاد صايـم
البارحه عيني قزت عن كرا النوم= يـوم الثريـا خايلـت للنعـايـم
تخلفن بالقلـب قـالات وهمـوم =يوم الشكالـه مـا تهـم الهمايـم
بالليل اهوجسلي بقالات وعـزوم =للـروح خـلاق وللعمـر سايـم
ناس نصالحهم وناس لنـا قـوم =واكوان يشبع غبهـا كـل حايـم
يومن سكنا نجد من غير معلـوم= بصولات تلقابه صفى الجوعايـم
يانجد والله مـا نزلنـاك بسلـوم =ولانتيب ورث جدودنـا بالقدايـم
ويا نجد اخذنا منك حق ومرسوم= وصفا جنابك عقب نطل العمايـم
خذناك عقب مدارك العمربالسوم =سـوم يخسـر لابسـات اللثايـم
كم خايع بين الحفيفيـن ماسـوم= كـل يبـاه وواصليـن الكظايـم
عاداتنا نرعى الخطر دايم الـدوم =يرعى دبشنا فيـه والحـظ قايـم
نرعى بربع كنهم دولـة الـروم =مركاضهم بالضيق يجلا اللوايـم
لاصاح صياح الضحى جن حثلوم =الخيل بالفرسـان عجـل همايـم
يازين سجات على الفطر الكـوم =يوم بلاش ويـوم جبنـا الغنايـم
نوالخيال مسرح من ضحى اليوم =امطر وسيلـه دم روس العدايـم

المصدر: الملتقى الجماهيري للشاعر محمد بن فطيس المري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)