لقاء الاحبه

لله در شاعرنا راشد الأطرم حينما يقول: يا وضّاح الثنايا ما على صدق الشعور إغبار ... أنا حبك و اعزك و احشمك و أموت بترابك ... حبيبي يا حبيبي وش ورى هذا الغياب أعذار ... تعال و فك سجن الصمت ما دام الولي جابك ... لـو إنـّك في حـيـاتي كنت مـثـل الطـرّقـي المـرّار ... ما كان إهـتـز لك جـذع الحنين و طيـّر أسرابك ... تفاصـيـل الغـرام و ضحكة العـشاق للأقـدار ... و تـناهـيد الحقـيـقة كل ما قـلت إنطـرق بـابك ... سوالف سمرة الليل الطويل و حبك الأشعار ... زعـلك و صدتـك سـرعة رضاك و رقّة إعتابك ... ثقتك و شكتك سطوة حياك و كثر ما أنت تغار ... نقاك و حبك الصوت الجريح و قلّة أصحابك ... على ذكرى التفاصيل الصغيرة تنمو الأسرار ... و اسامر وحشة الليل الطويل بحزن و اغتابك ... حبـيـبي يـا بعـد كـل البشر يا وافـي المقدار ... أحـبـك كـثـر ما تكـره غـيـابي و أكـره غـيـابك ... يجون و يرحلون و لا بقى غيرك رغم ما صار ... نما فيني غرامك لين صرت أموت و أحيابك ... أحسك شيء يجري بالعروق و يشغل الأفكار ... أحـسـّك رمـح لكـن ما ذبـحـني قـو مـضـرابـك ... أحـسـّك شيًا أكبر من كلام العشق و الشعار ... و أشوف الثقل و الذوق الرفيع من أجمل أثيابك ... أشوف الليل يسري مع طيوفك يا أول المشوار ... و أشوف الصبح مع كثر المشاغل مغلق كتابك ... أنا شاحب من سنين الجفاف و قلـّة الأخبار ... ثلاث سنـيـن كـاره عـيشـتي من جـرح ما صابك ... أشوفك في وجيه المقبلين و هرجة الحضّار ... أشـوفـك صرت فـي حـضن الغـيـاب و حـظـنـي أولابـك ... يا غـياث المشاعر أسقـني مشتاق للمخضار ... يكفـيـني دهـر ذيـك السنـيـن اللي مـن أسـبابـك ... علامك رحت ساكت ما حكيت و لا عطيت أعذار ... تراني من ثـلاث إسنـين ما فسـّرته إغـيابك