ااااااااااادخل ....... واضحك ....( مع نفسك )

عاشقق موضوع حلووووووووووو مرة على قوله السعوديين

مرة من المرات رحت للعمرة وكنت اول مرة اروح وخذاني الحماس والشوق

مااصدق اوصل عشان افرغ طاقتي وحماسي بالطواف والسعي

واول ما وصلنا صلينا برا الحرم وتجيني وحده تركيه متينه وضخمه حسيتها وحش وانا الفريسه المسكينه

وتمسكني من ايدي انتي تركي انتي يعرف تركي وانا صاكتني البوهه مدري وش اقول من شكلها ماامداني اسلم من

الصلاه الا وهاذي قاضبتني وارد عليها هاه لا لا مدري انا شنو ؟؟ انا كويتي ما يفهم عربي

اختي اهني تضحك علي هههههههههههههههههههه انقلبت اختي هنديه ما تعرفين عربي .!!

حقدت على اختي حقد بس شسوي مو ذنبي تخرعت مدري شقول

وتسالني ملخ يعني شنو .؟؟ قلت لها مدري ملح وهي تجر ايدي ملخ ملخ

يرحم والدينج ايدي انكسرت ... هاه ماادري ما يعرف ...

يا ربي بغيت اروح فيها واركض عند امي وخااايفه هاذي اولها زين ماكلتني

خلصت من الموقف الاول

اما الثاني

بعد ما خلصنا من العمرة وخبركم الطريق اللي بين مكه والرياض شطوله وكله محطات

وقلت لاخوي الله يرضى عليك اقرب محطه ونمر المحطه

وبعد نص الساعه تكفى يااخوي اقرب محطه

وبعد نص ساعه نفس السالفه

طبعا اخوي مل وسالني انتي وش سالفتج مع المحطات


قلت لا تلومني شربت ماي زمزم لين فولت وضربت العداد

واثاري اخوي نفس سالفتي ضحكت عليه بعد ما عرفت

ونجي عند المحطه ولا اطلع منها ما دريت الا وانا طايحه بين رجول اخوي

واناديه وانادي اختي من الظلمه ما يشوفوني

ولابسه عباة راس لافه علي لف اول مرة البسها عشان العمرة

واناديهم ويضحكون علي ركبت السياره وركبتي تنزف واهلي يضحكون وانا ابكي

قلت ليش ما توقفون من الضحك اظن انها طيحه ما في شي يضحك ..؟؟

ويقول اخوي تدرين كانج ناصر القصبي يوم مثل على انه هيجاء اللي بطاش ما طاش بس شفتج ما تذكرت الا هي

وانا اتذك المشهد صج ضحكت بس حسيتها طنازة

وبس

السموحه طولت عليكم