ياماصبرت وكل ماتخطي اعذرك ..

[رائد العصيمي]

السلام عليكم
اقدم لكم قصيدة جديدة يارب تحوز على رضاكم

مقدمة:
لحظه قبل تمشي ودقق فالنقط
والحروف اترك لها الحبر بتبوح
دام حبي من على القمة سقط
كلمتين وروح يامسبب جروح
(ياحسافة كل هالعشرة فقط)
والجروح تهون شهرين وتروح

القصيدة بعنوان

( ياماصبرت )
ياما صبرت وكل ماتخطي اعذرك
واقول لك ياصاحبي روح مسموح
ارفعك فالقمة واعزك واقدرك
واعطيك بلحالك فقط منزل الروح
وانت متغيّر صدق مانيب خابرك
تعشق جفاء منهو على الحب مفضوح
اثرك تبي تلعب كما لعبة السيرك
تجعل حبيبك لعبة بداخل اللوح
ماتدري ان الللعب فالحب يدمرك
وانته دمرت الحب ياعاشق الدوح
كـسرت خاطر من جبر كـسر خاطرك
وخليتني في موجة الحزن وتروح
هذا فؤادي روّح الله يواجرك
روّح وهو في بركة الصد مطروح
الا ياقلبي فالكـسر من بيجبرك
لاصار كـسرك من حبيبك وش تنوح
خلك وانا بحاول اجبرك واكـسرك
لعل تتعود اذا جاتك جروح

وسلامتكم

نقدكم اساس النجاح وتقييمكم هو مانطمح اليه

رائد

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]