مجاراتي لقضية فلسطين ,, ل عامر الشنيف.

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

اقدم لكم و للاخ الشاعر عامر الشنيف مجاراه للابيات وهي من زود الاعجاب ومن جزالة الابيات واعجوبة تركيبها ولفظها واتمنى ان تنال اعجابه واعجابكم جميعا ً وشكري وتقديري لكم .



[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] قضـــيــتي تشـــبه قضيــــــة فلسطين=الكــــــل يبـــغــــاني بشرعـــة وكيفه
وانـــــا اتعزز واحمل الــذنب ذنبـــين=واقـــــول يــــا وسع الصدور النظيفة
متشره(ن) غصب(ن) عن القلب والعين=وأداري الــــضـــيقــة ونفـــسي حفيــفه
متعفف(ن) عن عــــوج درب المقفين=نفـــــسي عزيزه والهقاوي منيفه
غــضيّت عيني بـــالبكا فــــوّل البين=وانــــا خفوقـــي من ورآهــــا نزيفه
تلــــوفني جروحــــي ليــا شفت سكين=في يـــدّ من تمم مـــواجــيـــب ضيفه
واذكـــــر سبــب دمعة وسجـه وبيتين=واضـيق من نفــــسي وطــاري نكيفه
واســــج عن ربعي ومن دون رجلين=مــوجـــود!!لكن طير عقــلي رفيـفه
الذاكــرة عــش(ن) وعيدانــه أسنين=وطير الفكر أدنــات حــدري يليفه
يحوم ثم يركـــي على شجرة التين=إللي ثمــرهـــا مــــا قطفنـــا خريفه
لله در الوصــل يــا يــــوم الأثنــين=يــــوم الوليف أهمل وخـــلا وليفه
أتـــلا العهد بـــه قـــال: برد بعدين=وطرحت جـــوالي وعينــي بطيفه
وقمــــت أتلهّـــا وانتحتني بســاتين=واخذت أسقّي كــــل وردي وريفه
وابطــا وانـا والطيف محنا بدارين=إلا أن لي حس(ن) شحنّي بحيفه
واليوم كمّل لــه من البعد شهرين=شهريــن في قلّ وهمومـي كثيـفة
ما كنت مرهي بس وش عاد تبغين=يــا نفس لــــو تبدين همّ وحسيـفه
روّح وظني عادت الجرح المكين=يطيب لكن لا تكوني كليفه
مـــا الله خلقلك عين تبـــكي مقفين=وانت ِ وفيــــه والنوايا شريفه
قلت القصيدة بس من شان تدرين=من راح من كيـــفه تراهـا بكيفه
[/poem]

عـامر الشـنيـف ,,

[poem=font="simplified arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] البارحه مامسيت والناس ممسين=اخيل برق ٍ شاق عيني رفيفه
برق ٍ من المنشاء غداله نياشين=في مزن ذكرى ً في زماني مظيفه
ينساب ربانه على الخد ويبين=جرح القلوب الساهيات الرهيفه
في مقدمه خير ويسوقه مضامين=هجر وهجير اهل العلوم المريفه
حتى تمكن في حشى القلب تمكين=وثنى على جمع المعاليق سيفه
وصحى هجوس ٍ فالحشاء قدر عامين=مستوطنه ترعى ربيعه وصيفه
وسارت مناهجها على العسر واللين=وافتح لها كل الدروب الشريفه
اخذ واقلطها على هامة الزين=والشين مالي في دروبه نصيفه
ياعامر الشعار ماهم بناسين=شي ٍ يهيض وسط عرض الصحيفه
فيها ومنها مايشوق المحبين=ويهز وجدان النفوس العفيفه
لاشك تدري واكثر الناس دارين=ما فالهوى غير الدروب المخيفه
فيه الضواري كلوبها مكامين=ياويل من تقداه مر العطيفه
من ذاق جرح الحب ماله مداوين=والي وقع به مايفيده رديفه
مالوم حالك ياحفيد الميامين=مادام قلبك ماتعالج نزيفه
كم عاشق ٍ يثنابه الجرح جرحين=يفضح سواد الحزن خافي عطيفه
له نوحة ً تجزع حفيظ الشرايين=ماله قوى من بعد جاله شعيفه
هذى وانا مالي على الدرب دربين=شفي مجاراة البيوت الطريفه
الجزل له في ثومة القلب تثمين=والهزل عند اهل القلوب السخيفه
الشعر غايه والضماير عناوين=منهال هاجوس ٍ يسلي غريفه
ماني بلاهي كان فالناس لاهين=اقود قاف الجزل قود العسيفه
والختم واعداد الخشوع المصلين=اسلم وسلم والنوايا شريفه[/poem]

خـالد العبيريـد .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.