لآعاد تنشد => عبدالله السناني

لآعاد تنشد => عبدالله السناني

السلام عليكم ورحمة الله وبركاته

حبيت ان اقدم لكم هذه القصيده المتواضعه ,
وهي لها ( حادثه) وهي , إن كان واحد من اصحابي يسألني ,
يقول وش فيك ماعاد انت عبدالله الاول , عساك بخير , ,
وحبيت اجاوبه بقصيده



ياللي تنشّد ويش فيني عسـى خيـر
بجـاوبـك بالشـعـر واحـلـى اللـحـونـي

ايـامـنــا هــــذي صــــدوف ومـقــاديــر
مـنـهـا نتـعـلـم والـتـجــارب رهــونــي

احـذر مـن الصـاحـب ولا تـامـن الغـيـر
الـيــوم يـمّــن لـــك وبـكــره يـخـونــي

يـامـكـثـر اصـحـابــي ورود ومـصــاديــر
لــكـــن لـــــو نــاديـــت مـاجـاوبـونــي

صـاحـب يـصـد وبعـدهـا يجـيـب تبـريـر
ويــقـــول يــارجّـــال ربـــــي بـعــونــي

وصاحـب جفانـي لـجـل راي الغنـاديـر
لــعــل مــــن شــــرواه مـايـكـثـرونـي

وصاحب ضحك لي لكن الضحك تزويـر
لاقفيت مـن عنـده طعـن فـي متونـي

وصاحب ليا سولـف تقـل سالـم الزيـر
لــكــن بـالـواقــع يـخــيــب ضـنــونــي

وصاحب منافق حيلتـه يدهـن السيـر
يحسـب جمـيـع الـنـاس مايفهمـونـي

وصاحب حسود يعيش عمره مخاسير
ويمـوت لنـه شـاف ضحكـت سنـونـي

ماغلـط عـلـى كــل النشـامـا معـاذيـر
واحــد مــن المـيـه شـديـد الـركـونـي

لاعاد تنشد ويش فينـي عسـى خيـر
مفـروض تفهـم هرجتـي مـن عيـونـي

المصدر: الملتقى الجماهيري للشاعر محمد بن فطيس المري