دواعي سواليف الهوى نسّته ذكراي

[فهد الهباش]

مدخل :
حبر القلم مآ ( جف ) والدمع مآ ( جف) !
( ذي حآلتي ) .. في الليله .. السرمديه ؟!
.
.
منآر الحــق .. صفحة : ( بيضآء !)
فيها كـتـبـت : ،، " لا للوجل ! "

[poem=font="simplified arabic,4,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
سرى همي اللي من زماني يحد اقصاي = يباري الخفوق العام واليوم يرميبه

دواعي سواليف الهوى نسّته ذكراي = وذكّره من دنياي قلبي وألاعيبه

أساوم على بيعه واثر بيعته بلواي = وأعوّد على مشهاه وأرجي مكاسيبه

خطاي الهوى والا الخطا صار من دنياي = يآ ويلاه يا قلبي ليا كبرت مصيبه

أنا خابر دربي ولا ني باعد خطاي = ولو كانت الطرقه على مثلي اصعيبه

يداري هواي الصلف بسمه تجرّ بكاي = تمر المحيّا خُلْف و الدمع يسريبه

أحن لزمان فات وأبكي على اللي جاي = ولو دمعتي من عز ما طاحت بخيبه

لكن الظروف أحيان تقسى على شرواي = وشرواي لا جار الزمن ما بدا عيبه

على الله وبالله حاجتي لا بدت شكواي = يداوي جروح القلب والمقفي يجيبه

وجودي على لامى عزيزٍ نوى فرقاي = نوى الصد والهجران والغيبه الغيبه

الا اجيت باتبع صاحبي شدّني مركاي = على جلستي لا هان وجهي ولا أعيبه

فلا تابع المقفي ولا ناظرن بقفاي = ويبقى بقلبي صاحبي ذاك ترتيبه

أبا اهيم بالدنيا وأغنّي على ليلاي = يا وجداه يا قفرٍ خلا عاوي ذيبه

ومن مد لي يمناه ما مد له يسراي = ومن مد لي يسراه خابت مطاليبه[/poem]

مخرج :
مآ ني بأنا الرمّآي .. من ( موخر الصف ! )
يبقى " الوفآء " .. لو طآحت : ( البندقيه ! )
.
.
سآوي إلى ( صومعتي ) .. وأستبدل شكوآي !
بما يسمى ( الدعآء ! ) .. " أجل ؟! "

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]