المردود على ابو مشهور ولاهان ,,

المردود على ابو مشهور ولاهان ,,

بسم الله الرحمن الرحيم ,,

السلام عليكم ورحمة الله وبركاته ,,


اخي ابو مشهور والله انك وافي وراعي علم طيب واتشرف بوجودك والله يعلم وجود نخبه من الشعراء الجزلين ,,

تقبل الرد المتواضع والله ماعلمت عن الابيات غير هالحين واليومين الي راحت دوامات وخلها بظروفها ,,

ان غبت ماماتت وراي القوافـي=غيري ابوسهيل العبيريد موجـود
خالد ولد روس الشغاميـم وافـي=يبدع قصيدة وتنبت ازهار وورود
عذب الكلام اللي يذيب الخلافـي=كنه بوقت الصلح شبـات بـارود
شاعر جزل شعره يجيب العوافي=مبدع ولايحتاج شاهـد ومشهـود
غلاه يسكن بالحشا في الخوافـي=محبته في الله من زود فـي زود
اتابع ابيـات الاصيـل السنافـي=أحلى من الشهـد المصفاومعـدود

موسى بو مشهور ,,

ياصاحبي موسى فدوك الضعافي=الي مجالسهم على كل منقود
عسى عليهم ذاريات السوافي=مادام ذم الناس في ظنهم فود
حيثك خوي الجنب والعلم كافي=والا الشعر في تال الايام مفقود
راح القصيد الي بمعناه صافي=ماباقي الا شي ماهوب معدود
عينت أبن لعبون وأبن النصافي=وعينت أبن سلمى وعمرو ومحمود
والشافعي وينه وفراس شافي=والنابغه مع هاشم وين مسعود
وعبد المجيد وين يوسف حلافي=وين ابن مروان وعبيد جلعود
وعينت حافظ مع ابن زيد لافي=ومصطفى صادق وابو نور جلمود
وعينت ابن قطبان وابن السعافي=وعينت ابن زاهي وأبن كور با لود
الي سناهم في دجى الشعر ضافي=ماغاب مع مر الايام والسود
لو كان باقي مع هل الشعر وافي=لاشك مارجع الماضي على كل ملحود
للشعر شعار ٍ تزيد التلافي=والماضي أجمل لو على غير ماعود
وانته كفو ياطيب القلب وافي=أرفع لك التقدير بالطيب ويزود

وسلامة قلوبكم ,, خالد العبيريد.

المصدر: الملتقى الجماهيري للشاعر محمد بن فطيس المري