مدحك يابو خالد

مدحك يابو خالد

السلام عليكم ورحمة الله وبركاته

أطل عليكم بقصيده للشاعر محمد بن فطيس المري واعذرونا فالقصوووور

لو كنت عن بدع المثايل في عزوف=من هول ماصاب الشعوب الامنين
ومن زحمة الساحه ومن قرع الدفوف=ومن كثرة الشعار والمستشعرين
ومن زحمة الدنيا ومن ضغط الظروف=ومن صدمة الواقع ودورات السنين
الله يديم الامن ويلم الصفوف=ويعز حكام الخليج المخلصين
والمدح للي حط لي فوق الكتوف=جميل وكتوفي مهي بالاخشبين
بمدح من افضاله علي مثل القنوف=شي خفي وشي تو الناضرين
مواقفه لو تنحسب طافت الالوف=تحتاج كتاب وكتب و مؤرخين
ولو تنكتب تملى المكاتب و الرفوف=وانا وهم رغم الجهود مقصرين
مدحك يابو خالد علي ملزم واشوف=انه لزومن كل ما شفتك ودين
يا فزعة المظلوم يا ستر الهنوف=يا نجدة الغرقان وافراج السجين
يا محزم المضهود يا منصى الضيوف=يا منقذ المطلوب يا ملجى الزبين
عقلك هو الميزان وايدينك سيوف=وصدرك بحر والا مواطيك اجبلين
اتشف للمحتاج وتصيد الشفوف=وكفك نهر يسقي الفقارا الهالكين
في مشيتك هيبه وشامخ فالوقوف=ولك نظرة منها العظم يصبح طحين
قلبك حديد وقاسي مافيه خوف=الا من الله ينكسر خوف ويلين
ودمعك قريب لليتيم و للضعوف=وتواضعك خلاك فوق الفرقدين
والله ما يوفيك شعري والحروف=لو تعجب الناس وتسر السامعين.

الشاعر /محمد بن فطيس المري

المصدر: الملتقى الجماهيري للشاعر محمد بن فطيس المري