ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

[ضامي الشوق]

خلوني ادله واطرب النفس وآجـول
وسط الفياض اللي سـوات الحدايـق

الصدر أوسع من مساحات ابالهـول
واللـي مكذبنـي يجـي ويتهايـق

وان كان شفتوني مهوجس ومشغول
تراي (( مستانـس )) وهـادي ورايـق

أرجي وصال اللي وصاله على طول
ماغاب عن قلبـي وفكـري دقايـق

لجله نهيت القلب عن كـل مجمـول
أمسك معاليقـه ولـو كـان تايـق

أنـا حبيبـي كـل مافيـه مقبـول
زاكي ومتواضـع وبالحسـن فايـق

اعيون سود وخصر مايل ومجـدول
والردف من ضيق الثياب يتضايـق

مربوع لاقصير ولا فارع الطـول
والموت في لبـس الدلـع والذلايـق

أهدي له السلسـال والعقـد واللـول
واهدي له ابيات القصايـد بطايـق

لأقبل علي فزيت وان راح ياحـول
كني على الموت المصفـى موايـق