اكمل / ي شطر البيت

لاضاق صدرك والفجوج الوسيعه=سج القدم مع صحصح البيد سجـه
وان كان ضاقت بك جروح ٍ شنيعه=خلك صبور ويـم ربـك توجـه
لو زانت الدنياء تراهـا وضيعـه=صكاتها عقـل الفهيمـي ترجـه
دوراتها صلفـه بحكمـه سريعـه=والادمي لامن نـوت بـه تحجـه
كم من فهيمن ضيـع الله صنيعـه=يومـن عقلـه للرديـات وجــه
أحذر ترا قلبـك وعقلـك وديعـه=بالعقل قد القلـب واحـذر تخجـه
عن مايعيب النفس فعـل الوقيعـه=ارفع شموخك عن دروب المحجـه
ابذل جهود النفس حسب الشريعـه=ثمرات عمر اللـي قطفهـا تنجـه
والقلب حطه في الحصون المنيعـه=ترى على الشهوات دربـه وفجـه
امن المعاصي لا يـذوق الوجيعـه=كم واحدن منهـا ضميـره يلجـه
واحذر قريبك لا تجيـه القطيعـه=عيب ٍ عليك يصير للباب ضجـه
والجار حذرا لايشـوف الهزيعـه=وان طاح في نكبات الايـام نجـه
وصابه المختـار بعلـم ٍ يذيعـه=دين الله الواضح ولاحـد ٍ يحجـه
والوقت يكفي عن مقيضه ربيعـه=والا الليالي كـم تمـض وتمجـه
هذي هي الاقـدار جمـر وليعـه=تسير ومحدن لـه مفـر ومهجـه
أما يجنينـا مـن وراهـا نفيعـه=ولا علـى حـر الهايـب تزجـه
وأختام لا صكت عليـك الوسيعـه=صل ركتين ٍ مـن فعلهـا تنجـه

صح الله لسانك وصح كلك ولاهنت ولاهانت الاخت ترانيم المطر ابداع فالابيات وصارت قصيده وافيه .