علاجه اللي يشوش ويطلق حجاجه

اقتباس المشاركة الأصلية كتبت بواسطة خالد العتيبي يامرحبا ياسعيد حياك الله ,, وحي الله هالعصماء الصياده يعلم الله تفوق الوصف ياسعيد ماشاءالله تبارك الله عليك وصح الله لسانك وصح قلبك ودام حرفك الجزل ,, تقبل مني مجاراه لها ويكون عندك خبر مجاراتي اول شي شرف لي وثاني شي من اعجابي جاريتها ويهمني رايك ,, يبو هوازن ترا ماحاجني حاجه=لا سلامٍ عليك اواجب الخوه من حط قدري مهب الريح وادراجه=ماوالله اطرد وراه ولا اعترض توه يبو هوازن بروق الصيف لعاجه=ولا تمطر الا عجاجٍ عاقبٍ نوه اليوم طاب المريض وحصل علاجه=دواه فج الخلا اللي صافيٍ جوه وعلاجه اللي يشوش ويلطلق حجاجه=يدي حقوق الرجال وقدر واعنوه لأعاد عندي علوم ولا ابغي مواجه =هذا قراري معك واللي تبي سوه اشوم لأمن نظرت الطرق منعاجه=والله عطاني عزوم وعقل ومروه والشيب والعيب بالرجال وهاجه=ان دبل البس ولا دبل الفوه ان ركب فكسار ولا ركب دراجه=يمسي ويصبح على شكله واهو هوه الله يصيب الرخوم ويلعن الحاجه=اللي تنزل عزيز النفس بالقوه ,, ياسعيد معنى الشعر في عالي ابراجه=جاله شعاع ٍ يهيض القلب من ضوه وانا على الشعر قلبي زايد خلاجه=واطرب لجزل القصيد وعالي سموه عنيت هجسي على دربك ومدراجه=لين اتضح حالي الطرقه ومحلوه ياسعيد فالناس كذابه ورواجه=الخبث في دمها وقلوبها امهوه كم واحد ٍ فالزمن لك يوقد سراجه=يرفى خماله لجل مصلوحه وسوه وجه بشوش ٍ ليا جيته على الساجه=وان كان قفيت ذمك تالي الدوه وكم واحد ٍ للوفاء يسعى لجل تاجه=يدفعه لهل الوفاء من طيبه احموه عشنى مع الوقت لو مانجهل احراجه=يضحك بسنه ولانعتاض من جوه والطيب ماكل رجل ٍ يدخل سياجه=دونه لولد الردي حاجز له مشوه هذى وقلبي ومعنى الشعر وخلاجه=يزود في وسط صدري حامي ٍ ضوه

صح لسآاانك خآلد
ماشاء الله عليك كفيت والله
قصيده ورد رائع
الله يحفظك يارب