دمعه قديمه..وطاحت

[شايمه]

السلام عليكم
اعتذر عن القصور واقدم لكم ابيات متواضعه اتمنى ترضيكم
ابيات اجبرني احد الموافق على كتابتها
قصيره لكنها وفت بالغرض....


والله مدري ليش والا على ويش!!!!!!
لكنها دمعه قديمه وطاحت
وقف لها لاتنزل بوقتها الطيش
وهقيت لا راح السبب فيها راحت
طال الحصار إبها وجابت لها جيش
ودكت به حصون الكبر واستباحت
ولامنها شافت لها شامت..تشيش
ولو ماجمعت اكبر عدد مااستراحت
لوقلت ابدراها عن الناس..حتيش!!
ماعاديمديني يامشكاي ..طاحت
صديت لكني تأخرت..بعد ايش!!!!!!!
لكل اللي مابغاهم يشوفون لاحت

 

 

 

 

 

 

 

 

توقيع : شايمه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[ترانيم المطر]

صح لسانك أختي الغاليه ما يجي منك قصور ابد لا هنتي ولا هان مغليك
لي ملاحظه بسيطه على الوزن بس فيها أبيات مكسوره وتحتاج تعديل
تقبلي تحياتي وتقديري
أختك ترانيم

[جـــود ,]

سكن حرفك الصدق
ولاحت معانيك بالجمآل
ابدعتي وعبرتي باحلا الالفاظ
تسلم يمنآك ..

[سعيد محمد القحطاني]

السلام عليكم هذا التصور ألقصيده الاخت شايمه بعد الاعتذار عنها
صحيح ألقصيده فيها كسور ولكن من معرفتي
لا الشاعرة مستحيل تكسر البيت لنها شاعره متمكنه






والله مدري ليش والا على ويش
.................لكنها دمعه قديمه وطاحت

وقف لها لاتنزل بوقتها الطيش
...........هقيت لا راح السبب فيه راحت

طال الحصار إبها وجابت لها جيش
....ودكت به حصون الكبر واستباحت

ولامنها شافت لها شامت..تشيش
...ولو ماجمعت اكبر عدد مااستراحت

لوقلت ابدراها عن الناس..حتيش
...........ماعاديمديني شكاوي وطاحت

صديت لكني تأخرت..بعد ايش
...........لااللي مابغاهم يشوفون لاحت



صح لسان الشاعره شايمه
ابيات جميله وارجو منها الاهتمام بالتنسيق
اما الوزن فا اتحدى من يثبت ذالك لحيث ان الشاعر
تكتب احيان بدون مراجعه لاثقتثها بنفسها

[خالد العبيريد]

وعليكم السلام رحمة الله وبركاته ,,

حياك الله شايمه ,,

صح الله لسانك على الابيات المعبره بمى تعنيه من شعور اليم واحساس جميل جدا ً ,,

لك خالص تقديري ووجة نظري .


حياك الله ابو محمد وجهة نظرك صايبه لكن المسئله ماهوب كسور فالابيات المشكله في الكتابه حسب ماشوفها والابيات واضحه مابها كسور وتراني مافهمت عليك زين لك كل التقدير والاحترام .

والله مدري ليش والا على ويش
.................لكنها دمعه قديمه وطاحت

وقف لها لاتنزل بوقتها الطيش
...........هقيت لا راح السبب فيه راحت

طال الحصار إبها وجابت لها جيش
....ودكت به حصون الكبر واستباحت

ولامنها شافت لها شامت..تشيش
...ولو ماجمعت اكبر عدد مااستراحت

لوقلت ابدراها عن الناس..حتيش
...........ماعاديمديني شكاوي وطاحت

صديت لكني تأخرت..بعد ايش
...........كل الي مابغاهم يشوفون لاحت

[فهد الهباش]

صح لسانك شايمه

ابيات معبره ومميزه

تحياااتي لك

[محمد الوريكي]

صح لسان اختي شايمه
وسلمت الايادي

[سعيد محمد القحطاني]

اخي خالد العتيبي
يطول عمرك تقول لم تفهم علي زين واقول
الشاعره ترانيم ذكرت ان ألقصيده في بعض
أبياتها كسور والكسر معناه خلل بالوزن
وهي محقه في ذالك ولكن من معرفتي لا جميع
قصايد شايمه انها لاتهتم بامراجعة ألقصيده بعد كتابتها
ولا بتنسيق النص لذالك. يضهر الا القاري ان ألقصيده
تحتاج وزن ولكن مع التدقيق تاجد ان ألقصيده
سليمه بالميه ميه وشايمه شاعرة متمكنها

[شايمه]

ترانيم مرورك شرف واشكرك......

[شايمه]

اقتباس المشاركة الأصلية كتبت بواسطة جـــود , سكن حرفك الصدق ولاحت معانيك بالجمآل ابدعتي وعبرتي باحلا الالفاظ تسلم يمنآك ..

تسلمين يا جود كل الشكر على المرور العذب