$$$ ومـــــيض الــــقـــــوآفــي $$$

[محمد بن عبدالهادي المري]

البارحه من يوم نسنس غرب من عقب العصر
ـــــــــــــــــــــ وانا اتصارع مع هواجيسي الى عقب العشا

وزهقت من جو المدينه والشوارع والقصر
ـــــــــــــــــــــ ورحت اتلهوى ودي ان الوقت يمشي ما مشا

نسنس وذكرني طويل العنق ملهوف الخصر
ـــــــــــــــــــــ الي غشاه من الحلا والملح كله ما غشا

عجزت عن توصيفها بس انها بالمختصر
ـــــــــــــــــــــ ما شفت زين طبوع والا هرج لا بالله حشا

غرو ٍ يفوح القلب له بالشوق ويفوح البصر
ـــــــــــــــــــــ شوق البدو لبروق نو الوسم لا منه نشا

ومن زود حبه بانتظر طال الزمن والا قصر
ـــــــــــــــــــــ لو الامل يطوى مثل طي المحاله للرشا

كانه رجع اشرت باليمنى علامة للنصر
ـــــــــــــــــــــ واستبشرالخفاق وانزاحت همومه وانتشا

وان ما رجع فانا رهين النود لا نسنس عصر
ـــــــــــــــــــــــ واحيان يعتقني عشا واحيان لا بعد العشا

بوحي



ويالله انك تعين