عساهم من ال مره

[فزاع المرشدي]

ونعم والله بال مره كفوووو قبيله عريقه ولها مكانتها بين القبايل

ولكن القصه هذي تشابه قصة الفارس شليويح العطاوي العتيبي

مع بنت القحاطين كان رايح هو وربعه يبغون يغزون قبيلة قحطان ،
ويوم توغلو الى نصف ديريتهم ، نزلو يرتاحون ربعه وراح هو يشوف المنطقه
ويوم ركب الجبل سمع صوت بنت تغني واقترب منها وسمعا تقول :


الورع راع السيف وده شعانـي
شيع القطيع اللي شعاها شليويـح

وضح شعاها من ديار قحطانـي
واقفا عليها مرذي الفطـر الفيـح

يبدي لها فـي نايفـات البيانـي
وادلى عليها من علاوي السراديح
اقفوا عليها يزعجـون الغنانـي

من خوف لا يرمي لهم بالمصابيح

خلي على نبـال قلبـي كوانـي
كثير مرات وانـا اقـوم وطيـح


يوم سمع شليويح البنت عرف انها سمعت غزواته على ابل قحطان المهم طلع للبنت وهي ماهي مصدقه ، وعطاها الامان على ابلها بفضل هذي القصيده
وراح لربعه وقالهم : ياقوم اخذوا الابل كلها الا ابل البنت هذي

والبنت معروف اسمها ومعروفين اهلها وهي ما قصرت في شليويح لذلك بذكر اسمها
(( عايشه بنت محمد بن عردان الدرم ، من عشيرة الروق التي تنتمي لقحطان))