مختارات مجازف &** النصيه **&%

اللي رحل عنّي و اخذ قلبي معاه
ودّعته اللي ما يخون وداعته

ليته عقب ما اقفى ما طالعني وراه
و ناظر عيونٍ راعته.. ثم راعته

و وقّف و بيّح دمعه الصافي خفاه
لا بارك الله في الوداع و ساعته

يا أنعم و أطعم ملذات الحياه
عيّت ليالي عاشقك ما طاعته

و حظّه كما عَودٍ عمى ليله سراه
و الدرب أضلّه و العيون أضاعته

و البرد حدّه و اشعل النار بعصاه
و الياس قازه و الأمل ولّاعته

حبّك هنا يا عارف البير و غطاه
ما له غطا و اللا نهايه قاعته

حفظت سرّك مثل حفظي للصلاه
ولو ذابت ضلوع الصدر ما باعته

لمن داج مع من داج في سوق الوشاه
و انظف ثياب أهل العفاف بضاعته

( رشيد الدهام ())))))))