رشيديات ( شعـر )

رد: رشيديات ( شعـر )

ريم الحسن

من نورها قلت يا ليل العشق جيبها

ودي تشوف الليالي ضيّها لا ظهر

منها تطير العقول ويجذبك ريبها

شيٍ يشدّ العيون ل شوفها والعطر

نفحه من الورد تنشر لك شذى طيبها

كن العطر جسمها زاده روايح زهر

حتى وصوف الحلا قامت تماري بها

شامة على الخد والشفّة ب لون الجمر

والعين: عين المها أحذر تصاويبها

والشعر يلمع مثل نورٍ سطع في نهر

والعنق عنق الغزال وهالترف عيبها

ريم الدلع والحسن تمشي تبختر بطر

ولامن مشت جب لها شاعر يجاري بها

لنّ البنات وحلاهم ما وصل للقمر !

من شفتها والعنا ودّه يداوي بها

جرحٍ قديمٍ لهى يسقي هجوسي سهر

قمت وتحريّت من شعري يغني بها

قام الشعر يلطم بحوره ويمطر درر

يمطر على زينها أبهى تراكيبها

بيتٍ قوي سيله وبيتٍ يعشّب خضر !



أحمد بن محمد التميمي



.

المصدر: الملتقى الجماهيري للشاعر محمد بن فطيس المري

اشكرك رشيد على وقتك وجهدك لتتحفنا بكل جميل من خلال هذه المشاركة الرائعة

اسجل متابعه وفقك الله

تحيتي وتقديري وتقيمي ونجومي

اقتباس المشاركة الأصلية كتبت بواسطة لولوه المري اشكرك رشيد على وقتك وجهدك لتتحفنا بكل جميل من خلال هذه المشاركة الرائعة اسجل متابعه وفقك الله تحيتي وتقديري وتقيمي ونجومي

هلا وغلا بالخويه النشميه
هذه لك ...
...
..
.

يقول الشاعر خليف الوهيداني:
.

لاضاق صدرك وزاد الضيق وإحراجه

سج القدم والفياف الخالية دجها .

ابعد عن الضيق واقطع مصدر ازعاجه

وكم ناس ماتت قبل تقضي حوايجها .

وعلى قضى حاجتك رب البشر ناجه

الله هو اللي ليا ضاقت يفرجها .

. وان شفت امورك ماهي عدله ومنعاجه

ساير امورك على الراحة وعالجها .

. والرجل يعرف بمدخاله ومخراجه

ولاتقبل النفس غير اللي يخارجها .

. والناس للناس عند القل والحاجه

كم ناس ، ناسٍ من الازمات تخرجها .

. وخاو الذي كالبحر بالطيب وأمواجه

واترك ضعوف الرجال ولا تهارجها .

. رجلٍ ليا جيت يمه طلقٍ احجاجه

ما هو من اللي سواليفه يعوجها .

. واللي مخالفك في رايه ومنهاجه

قربك منه يتعبك والنفس يزعجها .

. وبعدك عنه يبعد الهاجوس وعلاجه

لا تجبر النفس في قربه وتحرجها .

.لوا تسكن أرضٍ دهور ولا احدٍ داجه

أرضٍ خليٍ تبيّح سد دايجها .

. ولو ماوصل برها الجوال وأبراجه

اخير من عشرةٍ قشراً نتايجها .


.