محمد بن فطيس - قصيدة ليت زايد ينولد في كل عام

[الهــــــــوى]

القصيـــــــــده مكتوبه

قبل لنبدا ومن بعد السلام
ودي ادعي واحدن ماهو بخيل
::
يالله انك ترحم الرمز الامام
جعل شربه فالجنان السلسبيل
::
زايد اللي زاد الارض امن وسلام
من نهار اقبل وحتى فالرحيل
::
بالقبايل وحد الدوله وقام
واحتماها لاطيح ولا تميل
::
عزها بأيدي عزيزين المقام
يزرع الوحده ويجنون الحصيل
::
شعب دارن للوطن درع وحزام
مكرمين الضيف مزبان الدخيل
::
وقادها للنور من عقب الظلام
ودلها في وقت ضاع بها الدليل
::
يجمع الشعب وعن التفريق شان
والهدف في كل ماسوا يبيل
::
قبل زايد كانت رمال وخيام
قبل زايد والزمن صلف وبخيل
::
وقبل زايد كانت الامه حيام
وقبل زايد والحظوظ القشر حيل
::
وبعد زايد ميل الايام استقام
وعاش كل الشعب في ظلن ظليل
::
ليت زاايد ينولد في كل عام
ولا ليته ينولد في كل جيل
::
يستحق المدح لو قد هو عظام
له جميلن فالاوادم والنخيل
::
لين سلمها خليفه واستدام
مجد ماله لا شبيه ولا مثيل
::
وسار بوسلطان سيره للامام
وغير بوسلطان ماتبغي بديل
::
هو ذراها فالرخا ولا الزحام
صيرمين هدته تشفي الغليل
::
{ اللهم أغفر لــ/ زايد بن سلطان آل نهيان
وارحمه وأدخله الجنة بغير حساب،
وجازه بالاحسان إحسناا



لاهنت على الفكره الرائعه ........تحياتي .