(......)في نقطه تحــــــــول .

[waleed]

الضيفه مميّزه ، والاسئله اميز ،،

متآبع بـصمت ،،

وباقة ورد شكر لـ الهوى ،،

 

 

 

 

 

 

 

 

توقيع : waleed

. . . . . . . . . . [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[البرنس السعودي]

موضوع راقي ومميز

اهنيك على الفكره الرائعه اختي الهوى

متابع

[الهــــــــوى]

موآدع , شاعر بدون مشاعر ,رائد العصيمي , بن ســـيف ,فهد الهباش ,آهات , دآنه ,وليــــد ,البرنس السعودي


منـــــــورين الله لايهينكم على المرور الطيب .....بلآشك تواجدكم يثري الموضوع ويزيد من أهميته وقيمته .

لآعدمت طلتكم



* آهات ...شآكره لك الملآحظه والمجال مفتوح لك لمناقشه اي ضيف في نقاط التحول لديه .




* بانتظــــار سلطانه للرد على الاسئله .

[حلم~]

* آهات ...شآكره لك الملآحظه والمجال مفتوح لك لمناقشه اي ضيف في نقاط التحول لديه .
الله يجزااك الف الف خير

[سلطانه]

اقتباس المشاركة الأصلية كتبت بواسطة موادع يعني نسأل ؟ او لا ؟ ^^ سلطانه اهلا بك صراحة ماشاء الله عليك مبدعه بالتصميم وانا معجب بكل تصميم لك الهوى وضحي لي ترا توني لاعب كورة وراسي يوجعني وقريت الموضوع ومافهمت !! ههههه << بيكفخونه اليوم

موآدع
هلابك
والله عآد بصرك تبي تسأل اسأل ماتبي شي راجع لك
الله يسلمك ويطول بعمرك من ذوقك
اسعدني توآجدك
حيآك الله

[سلطانه]

اقتباس المشاركة الأصلية كتبت بواسطة شاعر بدون مشاعر بصراحه موضوع مييز والهوى محاوره من الدرجه الاولى والضيوف كان على قدر كبير من الاريحيه لبى قلبوهم وهذا يدل على خلقهم النبيل انا اعتذر اول شي من الاخوان الي قبل لكن للأمانه توي اشوف الموضوع وكان حظ سلطانه الشين انه كان دورها لمن انا دريت علشان كذا الله يعينها على الاسئله تفضلي جاوبي 1- نبي رائيك في المنتدى وبكل صراحه 2- لو كتب لك وتصيرين صاحبة المنتدى ايش بتسوين 3- اكثر الاشياء الي لها الاثر الكبير عليك سواء في الشارع او البيت او اي مكان .؟ 4- عندما تحزنين " الله يبعد عنك الحزن " ماذا تفعلين 5- هل انتي من النوع الكتوم الي تحبين تفضفضين 6- لو جبنا لك ورقه وقلم وقلنا لك ارسمي ايش بترسمين " ما نبي ترسمين بس اكتبي ايش بترسمين " 7- اغلب يومك وين تحبين تقضينه 8 - التصميم يحتل اي مرتبه في حياتك وهل انتي راضيه عن مستوى تصميمك وبس للحديث بقيه لا تخافين مافي فكه

كان يوم إسود يوم ماقيييييت <~ امزح
يالله هات اللي عندك

1- نبي رائيك في المنتدى وبكل صراحه

مايكفي توآجدي فيه عن الجواب ؟!
يهبل ويجنن ويكفي انه بأسم شاعرنآ " محمد بن فطيس " ورسمي بعد
وش نبي اكثر من كذآ ؟؟

2- لو كتب لك وتصيرين صاحبة المنتدى ايش بتسوين
ههههههههههههههه بصكك ب ِ بآند هذا أول شي
ثاني شي بـ كبر حجم البنرات وبس وإلآ الباقي عآل العآل

3- اكثر الاشياء الي لها الاثر الكبير عليك سواء في الشارع او البيت او اي مكان .؟

والله ِ مدري مُخي مقفل حاليا ً مالقيت جوآب <~ ليش تجاوبين الحين أجل

4- عندما تحزنين " الله يبعد عنك الحزن " ماذا تفعلين

أبكي إلين انام

5- هل انتي من النوع الكتوم الي تحبين تفضفضين

اذا لقيت احد يسمعني ممكن اعطيه بس رؤوس أقلام من اللي في خاطري
ماقول كل شي وبِ التفصيل !
غالبا ً صآمته =/


6- لو جبنا لك ورقه وقلم وقلنا لك ارسمي ايش بترسمين " ما نبي ترسمين بس اكتبي ايش بترسمين "
والله انا دايما ً لامسكت ورقة وقلم وهوجست
رسمت حاجب وعين أدمع هههههههههههه

7- اغلب يومك وين تحبين تقضينه
يومي كله ف ِ الصاله وش اسوي في الصاله ؟
مقابله أمي وأسولف أو سوالف ع الواتس اب واذا فضت وإلآ ع اللاب والمنتدى بس

8 - التصميم يحتل اي مرتبه في حياتك وهل انتي راضيه عن مستوى تصميمك
التصميم أحبه صح
بس ماهو كل شي في حيآتي , ان لقيت وقت فراغ ومتملله صممت وتسليت فيه
لقيت احد يوسع صدري لابوه فوتو
آلحمدلله فيه تحسن انت لما تشوف اول تصميم لي وتصاميمي اللي الحين
فرق واجد وراضيه وابي زود بعد

[سلطانه]

اقتباس المشاركة الأصلية كتبت بواسطة رائد العصيمي ي سلام سلطانة هنآ هلا هلا <<يجهز معلقة اسئلة خخخ لا انا بس حبيت اشكر الهوى انا جابت راسك هنآ عشان نلعب فيك بالتحقيق شوفي ي سلطانة حنا ناس فاضية 24 ساعة وشكلنا بنقضي عليتس بالتحقيق مير جهزي عمرتس عندي سؤال واحد فقط الآن وهو بداية العاصفة سلطانة شي خاطرك تسوينه في ذا المنتدى بس ماسويتيه؟

هلآ رآئـد
ههههههههههههه هات اللي عندك
انا لهآ

شي خاطرك تسوينه في ذا المنتدى بس ماسويتيه؟

أمممم
فيه شي في بالي خاطري فيه
وعندي " أملللللللل " كبير ان راح يتم ان شاء الله وبينجح
بس ماراح اقول وشهو عشان ماحرق اللي في بالي
لانه حصصصصصصري جدا ً جدا ً جداً

[سلطانه]

اقتباس المشاركة الأصلية كتبت بواسطة بن سيف بيّض الله وجهك يالهوى .. .. قدمتي لنا شخصيّه مميزه ومشرفه متألقه .. سلطانه قلب طيّب .. ونيّه صافيه .. عطاء ما تنتظر منه جزاء .. محبوبه من قبل أخواتها .. أحبتهم فأحبوها .. بادلت زملائها التقدير والاحترام .. فقدروها واحترموها خفيفة ظل .. مبدعه في الرسم .. والتصميم .. تعاونت مع الكثير في تلبية طلباتهم دون كلل او ملل ... الايام القادمه .. مع الضيفه ستكون ممتعه بلا شك .. كيف والمقدمة الهوى .. نعم مقدمه من الطراز الاول والرفيع .. تتقن فن الحوار .. وتحسن الكلام .. تجبر الاخرين على المتابعة والاهتمام .. لها أسلوبها المميز في التشويق .. واتمنى لها ولضيفتها التوفيق .. لدينا أسبوع نحاور الضيفه .. أكيد شخصيّه لن تمل من متابعتها ومتابعة أجوبتها ,,, أحترامي للجميع ..

مرحبآ " بن سيف "
الله يسعدك .. وهذآ من طيب أصلك ي خيي
لاشلت يدك ع هالرد الطيب ي الطيب
تشكرآتي

[سلطانه]

اقتباس المشاركة الأصلية كتبت بواسطة فهدالهباش القحطاني قمة الحوار بين المضيفة والمستضيفهـ أجزل التحايا للهوى وسلطأآنه.. الفوتو مهارة ودقهـ واهم مافيهـ الخيال الواسع وسلطانهـ ماشاء الله تباركـ الله موهوبهـ بمعنى الكلمهـ نعوووود للحوار : س : أكيد بما انكـ بمنتدى شاعر ..لكـ في الشعر الكثير، السؤال/ ما هي مواصفات الشاعر/ الشاعره المميز في وجهة نظركـ؟ من تستمعين لهـ من الشعراء/ الشاعرات خارج المنتدى ، ومن تحبذين قراءة شعره داخل المنتدى؟ بما انكـ مصممهـ هل ترين ان الصوت والديكور يعطي أضافه للقصيده ، ام ان الشعر هو الأهم فقط؟ ... اليوم كانت الأسئله عن الشعر ومن المؤكد لنا عوودة في مداخلات اخرى.. تحيااتي يآآ الغالين...

أهلين " فهد "
جعلك تسلم

س : أكيد بما انكـ بمنتدى شاعر ..لكـ في الشعر الكثير، السؤال/
ما هي مواصفات الشاعر/ الشاعره المميز في وجهة نظركـ؟
بنسبة لي ومع إحترآمي ل ِ آلجميع !
ماتقبل " المرأه " تكون شاعره .. لا أقرأ لهم ولآ أسمع ولآشي !
مافيه صفه معينه مميزه ف ِ الشاعر غير شعره !
لكن في الساحه [ كثروآ شعراء فيهم غرور ورجه ] وع بالهم تميز !
وإلآ أهم شي فِ الشاعر ركآدته وشعره وإلقائه ع حسب القصيده !!
ان شاء الله يكون آلجوآب واضح وكآفي
من تستمعين لهـ من الشعراء/ الشاعرات خارج المنتدى ، ومن تحبذين قراءة شعره داخل المنتدى؟

والله ِ وآجد الشعراء !
- سعد بن جدلان
- علي بن حمري
- عبدالكريم الجباري
- وأكيد شاعرنآ محمد بن فطيس !
ف ِ المنتدى اقرا ل ِ الكل يمكن ردودي قليلة ع قصايد شعرائنآ
بس مُطلعه أكيد

بما انكـ مصممهـ هل ترين ان الصوت والديكور يعطي أضافه للقصيده ، ام ان الشعر هو الأهم فقط؟

الصوت والديكور أكيد بتسوي إضافة للقصيده !
والشاعر الجزل أكيد ماراح يغطي الصوت والديكور ع شعره !
إلآ بيزيده جمآل !
الشعر اكيد هو الأهم .. بس اذا توفر الصوت والديكور يازينهآ

...
اليوم كانت الأسئله عن الشعر ومن المؤكد لنا عوودة في مداخلات اخرى..
تحيااتي يآآ الغالين...

مرحبآ بك مره ثآنيه

[سلطانه]

اقتباس المشاركة الأصلية كتبت بواسطة دانه قلبي سلطونه نصيحه تقدمينها لي او كلمة ماكان فيه وقت وودك تكفخيني فيها ههههههه

خاف انصحش تزعلين
والله عاد كيفش
اسمعي مره شفت لش رد في مشكله صغيرونه صايره فِ المنتدى
كان ودي بصراحه ماتدخلين فِ المشكله هذي ولاتردين فيها بولآ حرف !
اقول لش يالدندون يابعد جبدي =$
لاصآرت مشاكل بين عضوين ابعدي نفسش عنهم
بس

وسمي