الجرح :)

الجرح :)

صبآحكم / مسآئكم [ مسك و زعفرآن ]

قصيدهـ { الجرح } لـ الشاعر عبدالله الظفيري ,,

آتمنىآ آن تنآل آستحسآنكم ..

..

الي بقى لي مع الأيام / وفٌيته
والضيق لو ينهمر تشربه ودياني

ماهي كبيرهـ علي والحزن غنيته
ولاهي غريبه اذا وقتي تحداني

كم جرح خذته من الاحباب / ضميته
وجروح قلبي زكاهـ لحب خلاني

مطعون / عادي جفا الاقارب داويته
تعبان / حدي ردي هالحظ خاواني
صدمه / بسيطه هوان الحال مريته
مقرود / أدري واذا حرمان عداني

مافاح هم لك والله ما تقهويته
و مامر حزن بغيري ما تبلاني

ياما وياما من الخذلان / عديته
إلا بصاحب .. بعد العشرهـ تناساني

ازريت لأنسى غيابه لين ناديته
والموت لامن تجاهلني وجافاني

وينه يجيني / وكل عتاب كنيته
ياليت يدري بعد فرقاهـ وش جاني

من كنت طفل وانا أرجاهـ في بيته
شيبت / واثرهـ على هالحال خلاني

حتى جناح العتب لرضاهـ ذليته
ماطرت بعدهـ فرح من ذل جنحاني

ياقلب صبرك .. ترى كل شي سويته
ماكان افضل من اللي كان بإمكاني

لو بي قوهـ على الهجران خليته
لوبي ذرهـ من النكران يفداني

الجرح أرحم / اذا يرجع من أغليته
مجروح فدوهـ .. ولكن صعب وحداني

..

{ للآستمآع }

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المصدر: الملتقى الجماهيري للشاعر محمد بن فطيس المري

يعطيك العافيه يالغلا

ابيات جميله
لاعدمنا جديدك يالغلا

مطعون / عادي جفا الاقارب داويته
تعبان / حدي ردي هالحظ خاواني
صدمه / بسيطه هوان الحال مريته
مقرود / أدري واذا حرمان عداني


ياسلام وربي كلام في الصميم

الذهب مايتراكب على الذهب

وعقد الماس لايصب مكانه على عنق اميره


وهنا الجمال والابداع والتميز تاتي به الاخت كلي شموخ وهي بالفعل اساس الشموخ وقمته


كلام يتسحق التقيم والاحترام له ولصاحبه ولناقله

سلمت اناملك الكريمه الله يحفظك لنا

الله يعافيش . . ونورتي لا عدمت هالطله

نورت يالغالي . . انتظرك

تسلم اخوي شاسع . . جعلني ما انحرم من طلتك في مواضيعي

شيله جميله
عوافي على الانتقاء
احترااااااامي

تسلم . . كله من ذوقك