رمح وعصا

رمح وعصا

..

باصير لك رمح وعصا ..
عصا تقدّيك ورمح يحميك ..

وباصير لك شمعة ضيا تنور طريق وتلمع بريق ..
واصير رشفه هنا تقطع ضما وتبل ريق ..

وحبل النجاه اصيرلك ينجي غريق ..
وابيك انتي مرايتي اشوف الروح فيك ..

وقمرا السماء عذب اللماء .. اشوفك فوق .. فوق السحاب فوق البروق ..
يصعب عليهم طولتك .. يصعب عليهم نولتك ..

وابيك مزنه تظلني ومن الحنان تبلني ..
واصير لك غصن الجنا وارف دنا ..

تجنين من احلا ثمر طول العمر ..
وابيك نهر السلسبيل يشفي عليل ..

ودايم انا اصير لك ..
لاني ابيك امسك يديك ..

وانتي بيدي املك كنوز واتبع رضاك .. .. وانشق هواك ..
لاني رمحك عصاك واللي في يدك

لا لا
ما يعصااااااااك

محمد بداي

المصدر: الملتقى الجماهيري للشاعر محمد بن فطيس المري