آخيه ياوقت غدرني وصدقت .. رائد

[رائد العصيمي]

مقدمة :

وينك غريبة غايب العذر والصوت
ماهيب والله يالغلا من عوايدك
لك بالغلا غترة مع عقال وبشوت
ومقابلك عيد ن ومحلى معايدك
انا اعشقك عشق الغنادير للتوت
بدي غلاك ابغاك بالحيل رايدك
ياحبني لك لاتدلعت بسكوت
ادلعك لحظات ولحظات ازايدك
مير ارجع ارجع لاتخليني اموت
وتصير طلعة روح رايد على يدك

السلام عليكم

مسائكم \ صباحكم خير يارب

قصيدة لعلها تروق لأذواقكم


يقول

اخيه ياوقت ن غدرني وصدقّت
انك على درب الهوى ناوي تسير
عاينت في جملة فعولك وبرّقت
اثرك تبي قلبي يحبك ثم تطير
اشتقتلك..؟ في ذمتي يمك اشتقت
لكن حبك غير ومعاملك غير
تكذب عليّ !!.. بنظرتك ماتضايقت؟
لو كنت انا كذاب قلي وش يصير؟
خليتني لعبة وتلعب وطقطقت
وحطيتني في منزل ن ضحّك الغير
نسيت قلبي فالمحبة ولا طقت
تجبر كـسور ن مالقت منك تجبير
قلي وش شعورك مادام انت حققت
ذل الفؤاد الي نسى غيرك إكثير
والله حسافة يوم انا فيك وثّقت
قلب ن غدرته دون سبة وتبرير
نمت بغرامك نوم وابشرك فقت
واخذ القرار بدون رجعة وتأخير
روّح وانا بروح واكتم لو اشتقت
حان الوداع نشوف وجهك على خير


وسلامتكم

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[¶عَـدَيِِِِمِة وُصٍفٌ¶]

مير ارجع ارجع لاتخليني اموت
وتصير طلعة روح رايد على يدك


الله عليكـ آبدعت
صصح السآنكـ
وآعتلى ششآنكـ
ششآعر متمكن
ومآفيكـ حليه

لاهنت

[محمد الشريف]

رايد مبدع بكل ماتعنيه الكلمه شاعر جزل ماشالله عليك ولاهي بغريبه
من عتيبه وعتيبه اهلا لذالك صح لسانك ولاهنت

[مشاعر مجروحه]

رائد من طول الغيباااات

صح لسانك واعتلا شانك قصيده
جزله تسلم يدينك
ومافيك حيله من اروع ماقرات

[سعيد محمد القحطاني]

راىد العصيمي

صح لسانك ي الذىب مايحتاج مني شهاده
شاعر كبير والكبير الله بيض الله وجهك يبو عصام

جزل ولا تجيب الا كل جزل تحيات وتقدير اخوك
سعيد ولا مقاطعتا

[موسى ابومشهور]

الله الله رائع دوما يارائد شاعريه وسلاسه مفرطه بالابداع والتميز لاهنت على هالدرر لافض فوهك شاعرنا

[بنت الروقه]

رائد
ي هلابكــ
صح الله لسانك على هذا النزف الرائع والجميل

[فراشة]

يّ الله حيـوه وابقـه ..
ومن طـول الغيبات جاب الغنايم ..
صح لسانك يـــ العصيميّ

~وديّ

[سلطان المعاني]

كلمااااات راقية بحبكة جميلة وقوة شاعرية فذة !!
لك مني اججمل التحاياء اخوي العزيز؛؛

[خالد العبيريد]

وعليكم السلام ورحمة الله وبركاته ,,

وانت سالم وحياك الله يارائد ياهلا ويامرحبا ,,

صح الله لساانك وصح قلبك وكلك ولاهنت شاعر جزل ومعهود بالجزااله كلها طال عمررك ,,

كل الشكر والتقدير لك وخالص تحياااتي .