( اقفى زمان الطيب والناس للناس )

[محمد بن عبدالهادي المري]

السلام عليكم ورحمة الله وبركاته

نتواصل معكم والله يجملنا معكم

يا مشتكي لي من جفا الوقت والناس
ـــــــــــــــــــــــــ ارفع يدك لله .. وبث الشكواي

الناس ما تنجي من الهم والباس
ـــــــــــــــــــــــــ لو قيل فيـهم للـبلاوي مداوي

والوقت لو عنده مفاهيم واحساس
ــــــــــــــــــــــــــ ما شبعت الخرفان .. والذيب عــآوي

وما صار للرديان هيبه ومجلاس
ــــــــــــــــــــــــــ وما حط من بيت الدجاجه نــداوي

البارحه مالذة العين بنعاس
ــــــــــــــــــــــــــ والقلب من كثر التفاكير داوي

اقوم واقعد واضرب اخماس باسداس
ــــــــــــــــــــــــــ في ذالـزمان اللي كثيره بـلاوي

اشوف شي ٍ يتعب العين والراس
ـــــــــــــــــــــــــــ والكبد يكويها من الهم كاوي

قوع الشجر رويا والاغصان يباس
ـــــــــــــــــــــــــــــــ العرق راوي مي والعود ذاوي

متفاوت ٍ شرب الفسايل والاغراس
ــــــــــــــــــــــــــــ لو هي على العد القراح الرهاوي

ودنيا البشر ماهي على ماضي الساس
ــــــــــــــــــــــــــــ ما عاد ياوي للـفـقـير الـغنـاوي

يعتاش من لا يتقي درب الادناس
ــــــــــــــــــــــــــــــ ويموت جيعان العفيف السحاوي

اشوف ممشاها على غير مقياس
ــــــــــــــــــــــــــــــ دايم تخالف طيبين الهقااوي

امس ٍ مشت بلباس واليوم بلباس
ــــــــــــــــــــــــــــــــ ولا نفع فيها كثير الفتاوي

اخذ الكلام اللي من الراس للراس
ـــــــــــــــــــــــــــــــ ماهوب قال فلان وفلان راوي

اما صحيح وكلمة الحق نبراس
ـــــــــــــــــــــــــــــــ واما خطا والهرج صايب وغاوي

اقفى زمان الطيب والناس للناس
ـــــــــــــــــــــــــــــــــ واصبح زمان المصلحه والرشاوي

ولو تشتكي للناس ماطاب لك باس
ـــــــــــــــــــــــــــــــ ماغير ربي يستجيب الشكاوي

وسلامتكم

 

 

 

 

 

 

 

 

[مجازفف]

يعتاش من لا يتقي درب الادناس
ــــــــــــــــــــــــــــــ ويموت جيعان العفيف السحاوي
*****
الله الله الله ... صح الله لسانك مدد بلا عدد ... مبنى ومعنى فاااخر للامانه ... كيف لا وأنت من أل مره .. ونعم ونعم ...
زدنا زادك الله من نعيمه ....
ودي ...

[محمد بن عبدالهادي المري]

اقتباس:
المشاركة الأصلية كتبت بواسطة مجازفف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يعتاش من لا يتقي درب الادناس
ــــــــــــــــــــــــــــــ ويموت جيعان العفيف السحاوي
*****
الله الله الله ... صح الله لسانك مدد بلا عدد ... مبنى ومعنى فاااخر للامانه ... كيف لا وأنت من أل مره .. ونعم ونعم ...
زدنا زادك الله من نعيمه ....
ودي ...



مرحبا مليوون مجاازف وما عليك زوود فديت خشمك

وصح الله بدنك وبيض الله وجهك

[هياف السبيعي]

تركيبة شاعر محنك ومر بتجربه

بالفعل اقفى زمان الطيب والناس للناس اليوم صار زمان نفسي نفسي

صح الله لسانك يامحمد المري وبيض الله وجهك يابعدي

تحياتي لكـ اخوك هياف السبيعي

[محمد بن عبدالهادي المري]

اقتباس:
المشاركة الأصلية كتبت بواسطة هياف السبيعي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
تركيبة شاعر محنك ومر بتجربه

بالفعل اقفى زمان الطيب والناس للناس اليوم صار زمان نفسي نفسي

صح الله لسانك يامحمد المري وبيض الله وجهك يابعدي

تحياتي لكـ اخوك هياف السبيعي



يا هلا وغلا يا هياااف الله يحييك وصح الله بدنك وبيض الله وجهك


شرفتني الله يحفظك

[الماسـه]

يالبيه والله يالشعر اللي مثل هذا
ماشاء الله عليك محمد
وصح لسانك شاعرنا
من غير قصور بالشعراء لكن قصائدك
تعيش القارئ جوووك
الله يحفظك يارب . . .

[محمد بن عبدالهادي المري]

اقتباس:
المشاركة الأصلية كتبت بواسطة الماسـه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يالبيه والله يالشعر اللي مثل هذا
ماشاء الله عليك محمد
وصح لسانك شاعرنا
من غير قصور بالشعراء لكن قصائدك
تعيش القارئ جوووك
الله يحفظك يارب . . .



الله يسعدش ويرفع مقامش والله ينور دنياش

وصح الله بدنش وجل الله حالش

وعلى قولتش الشعار فيهم البركه

[محمد الشريف]

صح الله لسانك وبيض الله وجهك يبو حميد قصيده جزله من راس جزل

[محمد بن عبدالهادي المري]

اقتباس:
المشاركة الأصلية كتبت بواسطة محمد الشريف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح الله لسانك وبيض الله وجهك يبو حميد قصيده جزله من راس جزل



ارررحب يا محمد وصح الله بدنك والله يجمل حالك

[سلطان البقمي]

اخذ الكلام اللي من الراس للراس
ـــــــــــــــــــــــــــــــ ماهوب قال فلان وفلان راوي







صح السانك مليون قصيده تستحق الشكر عليها كلام ثمين وصحيح الشكوى لغير الله ماتجوز..





اعجابي وتقديري وتقييمي...