█◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█

[waleed]

س \ كيف ترى تأثير إيقاف مدرب الفريق الكابتن علي كميخ على الفريق في هذه المباراة ؟

لايوجد هناك تأثير يحتـّم سوء اللاعبين ، حسب ماسمعت ان كميخ
سيكون مع المساعد بـ " جهاز لاسلكي " وبنفس هذا الجهاز انتصر " ديسلفا " على كبار الفرق..

س \ تشير الأخبار إلى أن الكابتن علي كميخ لن يشرك الارجنتيني مارسير في القائمة الأساسية .. مارأيك ؟

اتمنى ذلك لـ سوء وتواضع مستواه ،، ارى غالب وفلاته الاقرب ، إذا كانا جاهزين ..

س \ ماهي أسماء التشكيلة المناسبة للمباراة من وجهة نظرك ؟

راضي
عدنان ، عيد ، هوساوي ، غامدي
غالب ، فلاته
حسين ، الزيلعي
بينو ، مالك

س \ ماهي توقعاتك لنتيجة المباراة ؟

4 - 0 للعآلمي بإذن الله ..

 

 

 

 

 

 

 

 

توقيع : waleed

. . . . . . . . . . [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[waleed]

..



كُنت اتمنى ان ارى مثل هذا التويت امآم الجار او الإتحاد او الشبآب ، لآ أمام متذيل الدوري .. ،
على العموم ، شكراً على التويته ، " مابغيت تتكلم يَ طويل العمر " ،، = )

[نصرآويه عآلميه]

\ كيف ترى تأثير إيقاف مدرب الفريق الكابتن علي كميخ على الفريق في هذه المباراة ؟
لن يكون مؤثر ,, داسلفا 8 مباريات يقود النصر من المدرجات الله يذكره بالخير..

س \ تشير الأخبار إلى أن الكابتن علي كميخ لن يشرك الارجنتيني مارسير في القائمة الأساسية .. مارأيك ؟

شي طيب هذا دليل انه بدا يقتنع ان الارجنتيني عاله على الفريق

س \ ماهي أسماء التشكيلة المناسبة للمباراة من وجهة نظرك ؟

راضي

حسين - عنتر - عيد - الغامدي

بينو - غالب - مارسير - الزيلعي

السهلاوي - ريان

س \ ماهي توقعاتك لنتيجة المباراة ؟


اتوقع فوز نصراوي 2-1

[صبي الخساير]

ياعالميون السالفه ومافيها انا ابي افهمكم شي

انا كل يوم احضر التدريبات واعرف واحد من المقربين لنادي عنده عضويه

السالفه ومافيها ان كحـيلان ما يدفع ولا ريال من جيبه

تجيه 100 مليون من الاتصالات + الي يجيه من اعضاء الشرف

بعدين يجيب الاجانب الي ع قد نص الفلـوس هـّذي والنص الثاني في جيــبه هـذا اول شـي

ثاني شي لعب ع الجمهور يوم حط اعتزال لريال مدريد دبل الي حطه في الاعتزال من التذاكر 1500000

بالعربي لن يتعدل النصر الى برحيل فيصل بن تركي وترأيس واحد مهوب من الامراء وشكرا

[نصرآويه عآلميه]

صبي الخساير

من زماان نعرف هالكلام ,, جمهور النصر يردده في كل منتدى
ان فيصل بن تركي يدفع الفلوس من الاتصالات ..!!
بس فلوس الاتصالات ماتكفي اكيد الرجال يدفع من جيبه وكذلك ابوه يدفع ..

[سلطان المري]

8

8


8

لو ابوه يدفع كان ماهوب ذا حال النصر


ابوه يدري ان ولده ماعندك احد علشان كذاا سحب عليه وما دعمه

المشكله كلهاا في الفكر فيصل بن تركي ما يعرف يدير ولا يعرف يركب جمله مفيده في الاعلام

حتى لغة الحوار ما يملكهاا .. ولغة النقاش شلون يعني تبيه يحل لك امور فنيه داخل الفريق

للاسف الشديد كرسي الرئاسه يبي واحد مثل الدوسري حق الاتفاق .. ناس تشتغل صح وبفكر وبالقليل من المال

الدوسري انسان كبير وفاهم وما يملك لا رعايه ولا حتى اعضاء شرف مهايطيه اقصد امراء

شف الفرق بين النصر والاتفاق .. النصر اعضاء شرفه مهايطيه .. كل واحد يبي يهايط ويتحدى ويتكلم في الاعلام ..

بداية باطلال بن بدر ونهايه بالصغنون فيصل بن تركي ..


للاسف فريقنا لازم يتحرر من الوراثه .. وراثه عيال الملك سعود .. وابناء عمومة الملك سعود

ما تلاحظون ان النادي كله ممدوح بن عبدالرحمن بن سعود

الوليد بن بدر بن سعود

طلال بن بدر بن سعود ..

منصور بن سعود

وهلما جر كلهم عيال سعود وللاسف انهم اطفر الامراء في المملكه فعيال سعود لا يملكون مناصب ولا حتى مال

كلهم يبون يرثون النادي وياكلون فلوسه .. وهالشي معروف من زمان

تبون النصر يرجع لازم نبعدهم ممدوح وعيال الملك سعود عن النادي .. يعني يا حكومتنا الرشيده ما قدرتي توكلينهم لا تحذفينهم علينا وياكلونا

هذا هم ياكلون من اكتاف النصر ومن جمهوره ولا عطونا شي ... ليتهم زي عيال بن مساعد رغم انهم لهم سوابق فاشله الا انهم قدرو يعتاشون ويعيشون جمهورهم بطولات وافراح

اما عيال الملك سعود للاسف طفارى وجابو فينا العيد وفضحونا بين الله وخلقه

[مبارك الشمري]

مرحشا يالعلماويين النصراويين هع هع
نقول يارب يفوز النصر
واليوم السهلاوي اتوقعه هدفين
وبينو ان شاءالله احساسي المباره فيهاا اهداف كُثر
هع هع

[رمق]

عيال الملك سعود .. عيال ملك
كيف مايملكون شي ..
وبالذآت منصور يعتبر من أثرياء الخليــج
بس انه بخيل .. مو بس هو كلهــم فيهم صفة البخل
.........
فيصل بن تركي .. أبتلشنا فيـه
للاسف مقلب وأكلنه ..
ع بالنــا جاي من امريكا .. ويفهم وفكر ومعه فلوس
طلــع .. ولآشي


ان شاء الله الليله بيفوز النصر
انا متفائله ..
بس القهر مانمت من امس مدري كيف بشوفهآ

[نصرآويه عآلميه]

سلطان المري

نتحرر من ابناء الملك سعود مستحيييل هذا عشم ابليس بالجنه
بذات ممدوح هذا يحسب النادي ملك له ولبوه ,,وولده سعود مره قال هالكلام بنفسه
ارتفع ضغطي منه هو يسب الجمهور ويتكلم عن النصر كأنه ورث له ولبوه ,

[رائد العصيمي]

معليش اسمحوا لي الحين كلنا نشوف الحملة الي ضد فيصل بن تركي

الحين بتقنعوني ان دعم الاتصالات 100 مليون؟

كذب ودعم الاتصالات للنصر مايوصل 60 مليون

فـ اللي جاب السهلاوي 30 مليون وحسين بـ3 مليون والزيلعي والقرني ومحمدعيد وهذا غير الاجانب وغير دايسلفا في الموسم الاول ومع رواتبهم بتكفيه 60 مليون
طيب مانختلف السنة الاولى جاه دعم لكن مو ذاك الدعم

نتكلم عن السنة الثانية الي الي فاتت
جاب القحطاني بـ18 مليون وجاب عمر هوساوي وجاب بدر المطوع ورزافان وبيتري وماكين والتجديد لفيقاروا والتعاقد مع زينقا بمبلغ خيالي وفسخ التعاقد معه بمبلغ خيالي والتعاقد مع دراقان وفسخ التعاقد مع رزافان والتعاقد مع بدر المطوع وبعدين اقالة دراقان والتعاقد مع جوميز
كلها بتكفي 60 مليون؟
والي نعرفه النصر السنة الي فاتت كانت تعاني بسبب الازمة المالية وان اعضاء الشرف مايدفعون ولا ريال

لاتحطون حملة على رجل جاب للجمهور لاعبين على طوال 10 سنوات ماكنا نحلم فيهم

اوك الرجل له اخطاء خصوصا في المكابرة على الابقاء على عامر وسلمان لكن الرجل له حسنات اكثر

انا متفائل بالفترة الشتوية وكذلك متفائل بتواجد الوليد بن بدر

جمهور مستحيل تلاقون فيصل ثاني يلبي متطلبات الجمهور

لله درك يابو تركي بس