كيبوردية وفي نفس الوقت بالغلط

[محمد الشريف]

الله الله ياعامر صح الله لسانك وبدنك ولاهنت على هذه القصيده الاكثر من رائعه تسلم ولاتندم
قصيده جزله من شاعر جزل لاهنت

 

 

 

 

 

 

 

 

[الفلوه]

عامر صالح ال شنيف
اخي القدير كيبوردية عجزت أقتطف من ورودها
رسمت جمال من احساسك وصدق شعورك
بلوحة من شاعر يتقن معزوفة احرفة
كموج البحر احرفك لامدي لها
وكزرقة الماء صفائها
وكسماء بطير ارتحلنا بالنظرمعة
ليعلو الي علوالسماء
ويرفرف بشموخة
حتي انا هنا عجزت كيبوردية أحرفي للكتابة
فوجدتني اقف بصمت لجمال ماكتب
وردليلك وخزامي لقلبك وروحك

تقيم لشخصك ايها القدير

[ضامي الشوق]

صح الله لسانك

يعطيك العافيه

شاعر جزل

احترامي

[فراشة]

هيه يا قلب(ن)معشمني كثير
.................وهيه يا عين(ن) هقاويها جبال
أن بغينا الوصل ما عيّا العشير
.....................العقد تعقد على قصر الحبال
حلها...يا احلها وانت الشوير
.........................الوضع ما عاد يبغاله جدال
صامل(ن)حبي ولو طال المسير
.....................وانت لا تبطي دخيل الله تعال


الله .. الله .. الله .. عليك ياعااااااااااااامر ..
وش اقتبس وش اخلي .. كلها روووعه ..
لاعدمنا هالقــلم الــنــــآآآدر ..
امتناني مع التقييم

[سعيد محمد القحطاني]

عامر الشنيف ي بعد عين سعيد لا غلطي ولا غلطك
تسلم يمينك ودامت سنينك ما اختلف فيك ظني يبو صالح كل مشاركه اقوى
من اللي قبلها جعلك تسلم (( دعجت)) الصوت مو اسنع

(( زعجت))
مدري قد تختلف معاني الكلمات
بعض الناس الى آخرين عموما كلك على بعضك
ذوق تقبل تحيات وتقدير اخوك سعيد ولاهنت

[بنت برقا]

مشاء الله مشاء الله مشاء الله

صح السانك مدد

ابيات عذبه كتبت بماء الذهب

وسجلني من قائمه المعجبين والمتابعين لجديدك

تحياتي لشخصك الكريم وتقييمي

[فهد ثامر البقمي]

وعليكم السلام ورحمة الله وبركاته
صح السانك ترليون وبيض الله وجهك يابو صالح
عذب ومبدع في الوصف ابياتك تلامس المشاعر لاهنت
ما فيك حيله صعب اختار بيت واحد كلها عندي جايزه
صح السانك مره ثانيه وثالثه ودوم
دمت بحفظ الرحمن

[عامر صالح ال شنيف]

صامل(ن)حبي ولو طال المسير
.....................وانت لا تبطي دخيل الله تعال
الحزن والشوق والجفن السهير
.....................وسمت فيني ولا جابت وصال

الله الله
صـح لسسآنك قصيده جزله من شاعر جزل
ودي


الزين
يا هلا وغلا فيك اختي
شرفتيني واسعدتني بتواجدك
صح الله ابدنك وشاهده منك اعتز فيها
تسلمين والف لا هنتي
شاكر لك ي الغلا

[عامر صالح ال شنيف]

وعليكم السلام ورحمة الله وبركاته ,,

اررحب يــــاعــامرر ,,

صح الله لسانك وصح قلبك وكلك ولاهنت جزل ومتمكن يالقررم ,,

شكري وتقديري لك يامبدع .

مرحبٍ يبقى
خالد العبيريد
يا هلا وغلا فيك
شرفتني كل الشرف بتواجدك بمتصفحي المتواضع
وصح الله ابدنك ولا هنت وتسلم يا القرم وشهادة منك اعتز فيها
مشكور ولا قصرت ي الغالي الف لا هنت

[شيخة القصيد]

اقتباس:
المشاركة الأصلية كتبت بواسطة عامر صالح ال شنيف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

السلام عليكم ورحمة الله وبركاته

كيبوردية وفي نفس الوقت بالغلط

أتمنى لها ان ترتقي للذائقة

العرب ناموا وخلوني سهير

...................بين باس الشوق واحلام الوصال

ليتني مريت بالضلع القصير
......................ثم دعجت الصوت ياولاد الحلال
علّ مضنوني بعد ثلث الأخير
.........................لا توضا ثم ذكر رب الجلال
يذكر اني ساري(ن)موعود خير
...................في حرا طلة بها حسن الدلال
غير لا صلى القيام ولا السفير
......................غطّ في نومه مثل بعض الليال
يوم أجي له لا عدوّ ولا بشير
...............غير من شوق(ن)معرضني خبال
هيه يا قلب(ن)معشمني كثير
.................وهيه يا عين(ن) هقاويها جبال
أن بغينا الوصل ما عيّا العشير
.....................العقد تعقد على قصر الحبال
حلها...يا احلها وانت الشوير
.........................الوضع ما عاد يبغاله جدال
صامل(ن)حبي ولو طال المسير
.....................وانت لا تبطي دخيل الله تعال
الحزن والشوق والجفن السهير
.....................وسمت فيني ولا جابت وصال

للحكمة عوان وعنوانها هوانت

يعطيك العافية ع المجهود
قصيدة جزله جزله وبقوة
تسلم الأيادي لا هنت وبارك الله فيك
بانتظار جديدك بكل شوق
دمت بحفظ الرحمن ،،