سجل حضورك بـ بيت شعر أو حكمـه

[ماجد الشيباني]

دقات قلبي من عناي اعبثت بـــــــي ... تــزود بيــن الثانيـــة و الدقيقــــــــــة
راحت بي أفكاري بعيدٍ وجــت بــــي ... وأهداب عينـي في دموعـي غريقــــة

أكتـب وتقرأ ريشـة العــود كتبــــــي ... شعري سلس ينساب على السليقــــة
مشاعري يا شوق يمّك جرت بـــــي ... من مرهـف إحساسي بيوتٍ رقيقــــة

أحنّ وأشواق الغــرام اعصفت بــي ... وقلبـي فراقـك ساعـةٍ ما يطيقــــــــه
محبتك يا روح روحي سطـت بــــــي ... والدمـع في عيني من أجلك غريقــه

 

 

 

 

 

 

 

 

[ماجد الشيباني]

خلف الملامح ، تسكن ( جروح و جروح )!
لا تغرك .. ( البسمه ) تراها / قديمه

اخاف احايلها .. على [ الضحك ] و تروح !
راضي بها لو هي .. ( قديمه / يتيمه )

[ماجد الشيباني]

علي أرحب به كرامة وتبجيـل
وأزيد في قدره وفا واحتراما

اللي ليا جاني تطيـب التعاليل
أبدي له الخافي ولا اخشى الملاما

يصون سري مامشى مع هل القيل
ولا الحق ورا عرض المقفي كلاما

[ماجد الشيباني]

إخترت ( اموت ) ولا يقولون الخلايق : إمّعه
وأخترت افارق.. والصدق يا كره كرهي للفراق

اصبحت مثل اللي يدوّر للجهات الأربعه
راح الجهات الأربع .. ومازال في نفس النطاااق

الظاااهر إن الناس في قلب المواجع .. مبدعه
والظاهر إني صرت ممن .. لا يطيق .. ولا يُطااق

الحب.. من ذا اللي يقول : الحب دنيا ممتعه !!
في ذمتي .. ما يقولها لو كان مما ذقت .. ذاق !!

[ماجد الشيباني]

( أراقبك ) من بعييد أحسّك بـ صدري !
أسولف لـ " صورتك " عن آخر أخباري

أشاورك باللي يطري.. واللي ما يطري
أشتتك..أجمعك .. تتشتت أفكاري !

ما أبيك تدري بـ غلاك وينكشف أمري :
حلاته إني.. عشقتك وإنت مو داري ..

[ماجد الشيباني]

لاصرت ضايق كل دنياي ضاقت
ولامن تبسمت الأماكن تبسّم


تقرير موجز يابعد من تلاقت
عيني بعينه لاهوا الصبح نسّم


لك منزله ياسيد الحب فاقت
كل الكلام وكل صوره ترسّم

[ماجد الشيباني]

مهما يجيك من الخطأ من رفيقك
حاول تغاضى والخطأ لا يجي منك
ترى رفيقك لو وقف في طريقك
مثل الرصيد أن (قل) وأن (زاد) في البنك

واعرف عدوك قبل تعرف صديقك
ومن لا يحس بضيقتك مادرى عنك
ولا تأيد المخطي لو أنه شقيقك
وش عذرك من اللي على ايسرك وايمنك

[ماجد الشيباني]

وعلمتني كيف . . أحوّل / إنهزآمي
لأنتصآري . . . وآتحآيل ع آلخديعه !

مهمآ أعطي لل زَهَر كل إهتمآمي
مآ يفتِّح , غير . . . في موسم ربيعه

[ماجد الشيباني]

نفس الشعور اللي تحسه وتطريه
في داخلي نفس المشاعر والاحساس

الشوق فيني لو تعده وتحصيه
تتعب ولا حصلت للشوق مقياس

لو شفت قلبي كيف يرفع لك ايديه
عرفت قدرك غير عن باقي الناس

[نديب]

▨▨┅┈
☇
خلقنا من خليط ،
بين " تراب و ماء " . .
و وحدك انت تقـرر 

إما أن تكون ،
أعذب من الماء 
أو أرخص من التراب . .

┈┅ 』❆『