سلامي على العجمان

سلامي على العجمان

لاغنيت يبن جخيـر يامـروض القيفـان ***تحزم بربعك وارفـع الصـوت بلعانـي
تحـن الرعـود ويلتعـج بـارق الهتـان*** وتمطر مزون الشعـر وتفيـض قيفانـي
اعرف القصايد قاف معنى بحـر ووزان *** والى جبتها من بـدع راسـي ووجدانـي
اغني وانا شفقان واكتـب وانـا شفقـان *** وراسـي لصلفـات الطواريـق يحدانـي
الى جيت ابركد واتعـوذ مـن الشيطـان*** تعزوابـي الجـن المسـمـى ونـادانـي
اسمـي وارتـل ماتيسـر مـن القـران *** وبلاي ان معاي جنون وتـزود اجنانـي
سلامي على العجمان في وادي العجمـان *** سلامٍ ينومـس كـل عجمـي وعرجانـي
هل الوقفه اللـي فالعيينـه وفـي كنـزان *** يسولف بها القاصي ويفخر بهـا الدانـي
على ذكرهم ركبت صوتي على الالحـان *** والى من سمعني طيب الـراس لاحانـي
ياراكان ابن سحمان وين انـت ياراكـان *** عليـك القصايـد تعتزيبـي وتنخـانـي
جذبني نباك وجيت وانـا وسيـع بطـان *** وذكر الرجال اهـل المواجيـب يشعانـي
سلامي عليك امـن القريـات لا نجـران *** سلام الغلا من صدري لصدرك الحانـي
ياشوق الهنوف اخت الستر عزوة الشجعان *** اخيهـا لحالـه ينطـح القـوم وحدانـي
على شانهـا كنـك تسفـح بـلا جنحـان *** الى صيحت بسمك وقالـت علـى شانـي
مزاياك واجـد يارفيـع القـدر والشـان *** الى جيت اعدد فـي مزايـاك ماامدانـي
زعيم الكرم منصى العرب مقدم الشيخـان *** وسيع البنايـد مكـرم الضيـف والعانـي
بعيد النظر تاج الفخـر مرهـب العـدوان *** صعوط المجنن مزبن الجيـش والجانـي
يادفع البـلا ماكنـك الا خشيـر الجـان *** تكـرع بـدم اعـداك وتقـول ماروانـي
على شانك اسرجت القصيده وانا طربـان *** عنيت وعنى شعري من اجلـك وعنانـي
لو اني اجيد اية لغـه غيـر هـذي كـان *** كتبت ومدحتـك بالفرنسـي والاسبانـي
مدحتك لحالك من محبه ومـن صفطـان *** ولا ابغي سوى ترديـد ياحـي ماجانـي
وصية شنب ماقالها فـلان ابـن عـلان *** ترى ذي وصية شايبـي يـوم وصانـي
عساني فدى اللي عزني لين صرت حصان *** وعلى العز وعلـوم الرجاجيـل ربانـي
ترى حن حزام العـز لاشانـت الازمـان *** لا قلنا تـرى حنـا لهـا والعمـر فانـي
وقفنا نهار الكـون فالصلـب والصمـان *** على الموت نارد مثـل ماتـارد السانـي
نبج النحور ونقطع الروس مـن الامتـان *** والى من غزينا كلنا اعبـر مـن الثانـي
لوإنا لحقنا عصـر عثمـان ابـن عفـان *** بطشنا وجبنا العيـد فـي كـل نصرانـي
يوقف شعر راسي على طـاري الجـدان *** واحس ان دمي يطبـخ وسـط شريانـي
تراني طبيعـي لامحشـش ولا سكـران *** ولكن صميـدع راس ولسانـي حصانـي
الى من خويت اشفق على دلـة الرسـلان *** والى من نهجت انهج على نهـج جدانـي
امثل هل السمـرا ليـا جيـت فالميـدان *** وعساني على القـوه وصـح الله لسانـي
اعد الحقايـق واكـره الـزور والبهتـان *** وببقـى علـى ماقلتـه ان الله احيـانـي
وهذي عوايد صـادق القلـب والايمـان *** وعسى الله يثبتنـي علـى قـوة ايمانـي
واذا مامدحتك وانت راكان ابـن سحمـان *** فلا خير في شعـري ولا خيـر فلحانـي
واذا كان هتلر شاع ذكـره مـع الالمـان *** تراك انت هتلر غيـر ماجابـك المانـي


الــشاعر : سالم بن جخير

ولابه قصور في باقي القبايل

المصدر: الملتقى الجماهيري للشاعر محمد بن فطيس المري

صــح لسان سالـــم
يعجبني حماسه اما اذا رمى العقال اتحمس زيادهـ هــع هــع
ونعــــم والله بالعجمان كلهـــم..

ذاحين بالله بس سؤال العجمي يرجع يامي وإلا اليامي يرجع عجمي
والله معقدتني اعرف انهم مع بعض بس مااعرف اي واحد يرجع للثانــي..
سووووري عالقافه بس فضووول بعرف

لا هنتي على الرد العجمان يرجعون ليام

ياحبني لكم يالعجمان بالذات والشاهد الله ان لهم قدر ما يعلم به الا الله

سالم شاعر فحل وحماسي لابعد الحدود وتكفي قصيدته الي القاها قدام خادم الحرمين

صح الله لسانه وبيض وجهك يالسلك الشايك

صح لسان الشااعر

والله يعطيك العافيه ع النقل الراااقي . ...

لك ودي ...