صار الشلي

صار الشلي

موج القوافي فالضمير ايتراطم=وانا اتمايل بين رطمه ورطمه
والضيم في جوف الخفوق ايتحاطم=والذل سدد للبطولات لطمه
لكن لما صار الجميع ايتقاطم=يصعب صغير السن يا اخوك فطمه
وانا لما ثرت اتعنى ثم اطم=واخطم شجيع ما حد احتال خطمه
الذيب له نابٍ سنينٍ وقاطم=والحر له مخلاب يا قو لطمه
قد حول المفطوم من كان فاطم=يوم الردي يصعب على الوقت حطمه
من هو لنيل المجد راكض وخاطم=والذل من هو عايش بخير قطمه
صار الشلي ملطوم واللاش لاطم=هذا الزمن يصعب على الحر خطمه

المصدر: الملتقى الجماهيري للشاعر محمد بن فطيس المري

ناصر اسعدني اني اول واحد يرد

قصيده رائعه وانت اروع

وشهادتي فيك مجروحه

لاهنت على الجزاله والله يحفظك

ناصر ارق سنود

ناصر الشريف

صح لساننك يابو حسييين ،
وافي من يومممك ،
وقافيه صعبه مع انها ماتصعب مع الي مثلك ،

واصل ولا تحرمنا من جديدك


دمت ، بود

لكن لما صار الجميع ايتقاطم
يصعب صغير السن يا اخوك فطمه


اشهد انك صادق .. صح الله لسانك ياناصر ودائما مجمل .. نص راق لي كثيرا .. يعطيك الف عافيه والله يكثر من امثالك ياذيب

خطير وتكتب على اصعب القوافي كفو يامروض القيفان


تحيه معطره

محمد الوريكي صح بدنك والله لا يهينك على المرور

المتواصل تقبل تحياتي وتقديري

صح السانك بيات لا يعلا عليهاا يا يا يا بعدي

تشكر عليهاا ننتظر المزيد يابعدي هع

صـار الشلـي ملطـوم والـلاش لاطــم هذا الزمن يصعب على الحـر خطمـه
ما كذبت يالشلي!
تحية من القلب معبرة،،

اقتباس صار الشلي ملطوم واللاش لاطم هذا الزمن يصعب على الحر خطمه

صح لسانك

للأمانة القافية الصعبة كانت نقطة تحول في القصيدة

فعلآ بسميك مروض القيفان

واما النص جزل لا جديد انت ماتكتب الا الجزل

لاهنت ياناصر

هاجوس صح بدنك وما عليك زود

والله لا يهينك على المروروالاطراء

تقبل تحياتي وخالص تقديري