ماهو بكيفي ولا اخلفت الوعد

ماهو بكيفي ولا اخلفت الوعد

مراحب عساكم دوم بعافيه يارب
اخترت لكم هذي القصيدة للشاعر بيان الذكري
&&&&&&&&&&&&&&&
يبقى حكم الله وحكم الله باق

ماهو بكيفي ولا اخلفت الوعد

لوبكيفي مانكتب بعد وفراق
ولو بكيفي ماتفارقنا ابد

ولو بكيف العين ماصار العناق
بين رمش وبين دمعٍ مستبد

حتى كفي عقب كفك ضاق ضاق
وعيا يقبل بالمصافح مع احد

عقب ماكنا على درب الوفاق
تاهت الخطوة من اسباب الحسد

وانولد حظٍ لنا للود عاق
وبكت (احلام)من ظلم(الولد)!

لايغرونك عواذل بالنفاق
ولا تصدق لو يقولون ابتعد

انت خابر لهفتي عند التلاق
وانت خابر بالموادع كيف اصد!

يارفيقي ماطعم لنومي مذاق
من هواجيسٍ تكاثر بالعدد

لاتحسْب الصمت عندي شي يطاق
بالحنايا صوت آهاتي رعد

مابقى لي غير ذكرى واشتياق
وطيف عابر ينقلب هم ونكد

والمقدر ندري انّا له نساق

والحكم لله وحكمه مايرد

&&&&&&&&&&&&&&&&&&&&&&&&&&&&&&&&&&&&&&

المصدر: الملتقى الجماهيري للشاعر محمد بن فطيس المري

روووووووووعه يازهره وتسلمين يالغلا
وسبقتيني على نشر القصيده اختيار رااااااااااااااااااائع
اختك ساره العنزي