ياسيدة كـل غيـد الأرض وأطلـق بشـر

ياسيدة كـل غيـد الأرض وأطلـق بشـر

هذه الابيات للشاعر :مهدي بن قطام ال عرجاء اليامي
وقد نالت على اعجابي
/

/
في رجعتي والمشاعـر بيـن مـد وجـزر
عيا سحـاب المنـام يسيـل فـي مرقـدي


عيت جفون السهـر حتـى أستبـد السهـر
ياجعـل فيـه العوافـي ياعيـون مهـدي


طال التمادي على الحاكـم ويامـا صبـر
الشعب مقلوع والحاكـم ماهـوب اجـودي


إن مارسمتك بشعري وصف وأجمل صـور
ماأستـحـق إنــك تقولـيـن ياسـيّـدي


بين أنكسار السواد وبيـن نصـر الشعـر
رحتـي تفليـن عتمـة ليلـك السـرمـدي


ياسيدة كـل غيـد الأرض وأطلـق بشـر
ياملهمتنـي تـراث أسبانـيـا الأبـجـدي


يايوسفيـة مـلامـح تحرجـيـن القـمـر
يامرمريـة أنامـل والنـحـر عسـجـدي


ياعيـن شيهانـةٍ فيهـا جيـوش الـحَـوَر
يكسى الخمايل رمـوشٍ سحرهـا عربـدي


ياعاتـق الفارسـي فـي إلتفاااتـة عفـر
يامشعلـة ليـل هاجوسـي وليـل سهـدي


يانزعـة الجاهليـة فـي تسامـح حضـر
يانازلة مـن جنـان الخلـد فـي موعـدي


ياعامريـة غـلا مابيـن وصـل وهجـر
ياأبعد من الشمس وأقرب من أصابع يـدي


ياأبرد من الماء على العطشان وأصدق مطر
ياكاشفـة بيـن عنّابـك بيـاض بــردي


ياأرق من ياسمينـه فـي صلابـة صخـر
ياأنعم دمقص دمشقي نـام فـوق جسـدي


ياخاثر الطـرف دم أوجـان خـدك خثـر
ياقصة الشمس لو شربـت بيـاض الجـدي


ياآخر نهايـة حـزن وأسعـد هديـة قـدر
يـاأول ربيـع السنيـن بشوفتـك مولـدي


ياموجـة اللحـن والملبـوس خامـة وتـر
تجري جداول حروفك عطر فـي مقعـدي


محميتك عادهـا مـن فضـل ربـي قَفَـر
صعبه على أطلق شنـب ولاتواطـن ردي


يالين سقت الركايب عقـب وقـت السّحَـر
لانيب خايف ولاأدري كيف معـك أبتـدي


ضمان!! من جد جيتـك وأرتويتـك نظـر
كبدي تكسّر ضما وأنا على أعـذب مـدي


هذا بعض ماحصل لي في ربـوع الخبـر
وياجعـل فيـه العوافـي ياعيـون مهـدي

المصدر: الملتقى الجماهيري للشاعر محمد بن فطيس المري

صح لسان شاعرها
وتسلم يد ناقلها ابيات في قمه الروعه
تسلم اخوي سمـ المراجل ــو
ابدعت في نقلها تحياتي

صح لساان شااعرها وربي يعطيييك العافيه ع اختياارك المميز

سمو رااقت لي كثيراا ..

لك ودي ..

رجعت ورجع معك الابداع ياسيد الابداع


وصح الله اللسان قايلها ولاهاان شاعرها

أخوي في الله المشرف سمو المراجل

اولاً الحمد لله ع السلامة وعودة حميدة ان شاء الله

ثانياً من أجمل النصوص لمهدي اليامي التي أعجبتني ولا زالت

بكل كلمة نثرها مهدي فصح لسانه وسلم لنا منطوقه وسلمت ودمت يا خوي سمو المراجل

وإلى الامام دايم ومني لها التقييم ..

تقبل مروري بحضوري أختك حروف من نور ..

ذويق يابعد حيي
يسلم ذوقك يالقرم
لاهنت ويسلم شاعرها
ويسلم ناقلها

قصيده غزليه ..رااائعه ...

وشكراً أخوي ع النقل ..

اقتباس المشاركة الأصلية كتبت بواسطة غراااام نجد صح لساان شااعرها وربي يعطيييك العافيه ع اختياارك المميز سمو رااقت لي كثيراا .. لك ودي ..

الله يعافيك وتسلمين على المرور

اقتباس المشاركة الأصلية كتبت بواسطة العنيدهـــــ صح لسان شاعرها وتسلم يد ناقلها ابيات في قمه الروعه تسلم اخوي سمـ المراجل ــو ابدعت في نقلها تحياتي

االروعه مرورك ي الشيخه ولاهنتي

اقتباس المشاركة الأصلية كتبت بواسطة شآسع المري رجعت ورجع معك الابداع ياسيد الابداع وصح الله اللسان قايلها ولاهاان شاعرها

تسلم يا شاسع وكلامك وسام على صدري ي ذيبان ولاعدمت طلتك