يا ضيقة الصدر وش باقي على بكره

يا ضيقة الصدر وش باقي على بكره

لـ الشاعر المبدع ( حمد السعيد )


**

يا ضيقة الصدر وش باقي على بكره
يا طول الساعتين وطول غربالي ..

الليل كله وانا فكره ورى فكره
ومن دلة الهم ماهزيت فنجالي ..

ما كنت أضن الحبيب اليآ عشق يكره
الين جربت فرقا اللي شغل بالي ..

اثر الجفا موت مثل الموت له سكره
يالله لاتقطع الغالي من الغالي ..

من يوم قفا وانا للموت ابفتكره
والله ليبطي بقلبي منزله خالي ..

الطير لامن غدآ ما عاض به وكره
يقضي وفعله مع المده يورالي ..

لا صار فعل وغلا بالقلب محتكره
في ضيقته يآخذ الأول مع التالي ..

قد قالوا الطير يا وفيه يانكره
واقول نكاره العشره بروا حالي ..

ارجع لموضوعنا السابق على فكره
ماني بأنا اللي مفارق بس بلحالي ..

البعد سم البشر ماني بمبتكره
عزي لمن جرب الفرقا وعزالي ..

هذا الجفا موت ومثل الموت له سكره
يالله لاتقطع الغالي من الغالي ..

المصدر: الملتقى الجماهيري للشاعر محمد بن فطيس المري

ررررروعه من جد ابداااع

وكلمات فيها احساااس
ربي يحفظك
ننتظر ابداعاااتك القادمه

هذا الجفا موت ومثل الموت له سكره

الله الله
سلمت يمينك على الاختياااار الرااااااائع
تحياتي لك

الله يسلمكم

منوريين يالغوآلي

ياخي انااا قايل لكم هاذي مبدعه ومتميزهـ

تسلم يمينك يا راقيه بذوقك الرفيع

اقتباس المشاركة الأصلية كتبت بواسطة احساس شاعر& ياخي انااا قايل لكم هاذي مبدعه ومتميزهـ تسلم يمينك يا راقيه بذوقك الرفيع

مو للدرجه هذي

الله يسلمك يالطيب ..