يا محمد ابن فطيس

اخي العزيز محمد المري

ابقاك الله والله لا يهينك على المرور والتوضيح

لكل واحد وجهة نظر وانا هذي وجهة نظري

واشكر لك شهادتك يا اخي العزيز اما التفجير فهو اصلا لم يتم

ولكن اتحين لوقت يكون مناسب التفجير فيه تحياتي للجميع

اللهم صل على سيدنا محمد وعلى اهل بيته الاطهار

ويعطيك العافيه اخي هوجاس

انت الوحيد اللي فهمت القصد ولكن كان ودي انك ما تحدد شخص بعينه

وصح بدنك واشكر لك الاطراء الجميل

وتسلم على كل حرف واقدر لك شعورك وانا ما نزلت هذا الموضوع

الا لعدم جرئة غيري على الافصاح به وعلمت انني سأرا معارض ومناصر فيه

ولكن تبقى وجهات نظر لا تمس الاشخاص بعينهم ولكن تمس نصوصهم اللتي تطرح امامنا

تحياتي للجميع

صح الله لسآنك يّ نآصر ،


مآقصرو آلشبآب في آلردود و لآكن لدي مدآخله بسيطه ، حول كلآمك التآلي .

اقتباس ولكن تمس نصوصهم اللتي تطرح امامنا

سؤآل: للآمآنه ، تقدر تقول لي آنك مآ وآجهت صعوبآت في بدآيت مشوآرك الشعري؟ آول قصآئدك آلتي من آول مآ نظمت ، تقدر تطرحهآ في محآفل شعريه كبيره؟


آلشعرآء المبتدئين ، يحتآجون نقدكم البنآء و توجيهكم السليم ، كمآ كآن آلكثير من آلشعآر آلكبآر في بدآيآتهم كآنو ب حآجه لمن يقف ب جآنبهم من آلشعرآء الذين يفقوقونهم لكي يستفيدون من نقدهم ،


آتمنى وجود شآعر ب حجمك ، آن يستفيدون منه المبتدئين و يفيدهم ، ولآيقفو عند هذآ الحد خوفاً من النقد اللآذع .

صح الله لسآنك مره آخرى يّ الذيب ولآ عدمنآ جديدك ،

تقبل مروري ،

ناصر الشريف

جيت بكتب لقيت الردود متناقضه
ناس مدحو وناس نقدو
واحترت وقلت ان الاخوان كفو ب الردود

وبعدين بشويش هذا أنا مأكتبت شي لو كتبت وش بترد تقول
صدق ضرس شاعري الله يكفينا شر التفجير

اخي العابر صح بدنك

وتسلم على المداخله وللامانه ان حن كنا نكسر ولكن كان هناك نفس شاعري

وليت الناس يعرفون معنى نفس عندما تقف على كسر مثلا ستوضح له

او قد تعدل له شيء ولكن هنا يطرحون ويريدون صح لسانك فقط

لا يريد ان توضح له والاخوه مشو معهم ولكن انا افتخر بنصوصي حتى المكسور منها لانه يلامس المشاعر وهنا يكون الشعر في ملامسة المشاعر

ولو كنا نلاقي مجاملات لما وصلنا الى ما نحن فيه الان والفضل يعود لوالدي

الذي كان يبني روح التحطيم في داخلي حتى برزت الى ما انا عليه شكرا لك اخي العابر تحياتي لك

اختي الورد الله الله على التوضيح

الجميل والرد الدوبلوماسي اشكرك على هذا التوضيح الجميل

وما حولك تفجير تحياتي لك

اقتباس ياشباب صلو على النبي وش فيكم ماتشوفو الرجال يقول اشوف بعض الناس شاعر وفي قافيه تكسير والبعض الاخر يا عرب كنه سهيل اليماني هنا ناصر يحدد .. فيه من يكسر وفيه من هو نجم . العصيمي .. انت وبدون زعل شفت لك قصيده مكسوره .. وكتبت لك رد فيها مذكر القصيده ولاكن انت اخبر ؤهذا انا اشوف .. تحت اسمك شاعر !!!؟، ناصر الشريف .. صح الله لساننك ومن ابسسط حقوقك انك تفتخر بنفسسك .. ؤشاعر لا يشق له غبار ومن حقك تشوف مافوق راسك راس محمد المري ، مالؤم ناصر يابعدي . قسم المحاوره يشهد .. خالص ودي وتقديري لـ شخصك الكريم ..

والي يغلط ويخطي يعتبر في نظرك ماهوب شاعر؟
طيب غلطت مرة وغلطت مرتين هذا يشكك في شاعريتي
انا ماانكر اني اخطي لكن ناصر عمّ الشعراء هنا ولا نيب زعلان من ناصر لو قال في القصيدة رائد عنده كسور بالعكس يسعدني اني اعرف اخطائي من اشخاص كفو مثله و هو اصلا يعرف انه قد صار بيننا نقاش في هذا الامر وانا ماانكر ذلك.
لكن في نفس الوقت انا ماقلت اني شاعر علم واني معصوم عن الزلل,
يااستاذي جميع الشعراء سواء الكبار او الصغار والمشهورين وغير المشهورين عندهم خلل في الوزن سواء بكسر او ثقل او اخطاء لغوية فما فيه انسان يجيك شعرة كامل طول عمرهـ مايخطي وانا لا اعزل نفسي عنهم بالعكس عندي اخطاء لكن مسألة انك مستغرب تشوف تحت اسمي شاعر . اي بالله شاعر وغصب على اطلق شنب وشهادتك طال عمرك ماتهز ثقتي في امكاناتي الشعرية

وبالنسبة لنص ناصر انت ادرجت بيت لناصر يوضح فيه الي يقصدهم.
طيب وش تفسير هذي البيتين:

يا محمد بن فطيس وين الشعر وين الشواعير

ما عدت اشوف اليوم شاعر يغطي في مكاني

قد كنت اظن الشعر في موقعك يا صاحبي غير

واثار ما به غير ناصر سرج ظهر الحصاني

انا عتبي على ناصر في هذين البيتين فقط والعتب لايتعدأ مبدأ النقد البناء

ناصر شاعر وماهو في حاجة شهادتي لكن مايمنع اذا شفت اخوي غلطان اقول انت غلطان

وهذا الي حصل وناصر بالنسبة لي اخ اكبر

خروج من الموضوع نهائي

صح لسانك ياناصر ولاهنت،،
بالنسبه لـ لبّ الموضوع فهذه وجهت نظر تخصك فقط
ووجهت النظر معرّضه للصح والخطأ ،،
انت تقول وغيرك يقول والحكم من المتآبعين

لاهنت

تحياتي لك

اقتباس المشاركة الأصلية كتبت بواسطة رائد العصيمي والي يغلط ويخطي يعتبر في نظرك ماهوب شاعر؟ طيب غلطت مرة وغلطت مرتين هذا يشكك في شاعريتي انا ماانكر اني اخطي لكن ناصر عمّ الشعراء هنا ولا نيب زعلان من ناصر لو قال في القصيدة رائد عنده كسور بالعكس يسعدني اني اعرف اخطائي من اشخاص كفو مثله و هو اصلا يعرف انه قد صار بيننا نقاش في هذا الامر وانا ماانكر ذلك. لكن في نفس الوقت انا ماقلت اني شاعر علم واني معصوم عن الزلل, يااستاذي جميع الشعراء سواء الكبار او الصغار والمشهورين وغير المشهورين عندهم خلل في الوزن سواء بكسر او ثقل او اخطاء لغوية فما فيه انسان يجيك شعرة كامل طول عمرهـ مايخطي وانا لا اعزل نفسي عنهم بالعكس عندي اخطاء لكن مسألة انك مستغرب تشوف تحت اسمي شاعر . اي بالله شاعر وغصب على اطلق شنب وشهادتك طال عمرك ماتهز ثقتي في امكاناتي الشعرية وبالنسبة لنص ناصر انت ادرجت بيت لناصر يوضح فيه الي يقصدهم. طيب وش تفسير هذي البيتين: يا محمد بن فطيس وين الشعر وين الشواعير ما عدت اشوف اليوم شاعر يغطي في مكاني قد كنت اظن الشعر في موقعك يا صاحبي غير واثار ما به غير ناصر سرج ظهر الحصاني انا عتبي على ناصر في هذين البيتين فقط والعتب لايتعدأ مبدأ النقد البناء ناصر شاعر وماهو في حاجة شهادتي لكن مايمنع اذا شفت اخوي غلطان اقول انت غلطان وهذا الي حصل وناصر بالنسبة لي اخ اكبر خروج من الموضوع نهائي

.. حياك الله ياعزيزي ..

انا ماقلت اللي يغلط ويخطي .. بسس .. ناصر يتكلم عن هـ المنتدى وان فيه شعراء < باسم شاعر ويكسر .. ؟ صح وهذي وجهه نظر له .. وله حق يقولها !!


اماا كلامك تقول جميع الشعراء سواء كبير او صغير يغلط . فـ لأ أأيدك :

لان غلط الشاطر بعشر + محسوبه على نفس الشخص
ولا عمري انا سمعت ان سعد بن جدلان منزل قصيده مكسوره ولا الزلامي والخ ؟؟؟

انت جاي تنزل هنا بأسم شاعر .، اتمنى قبل لا تنزل تراجع عمرك

اما من قولت انك شاعر .. شيء يرجع لك ولا يمس لي بأي صله ،

وكل اللي اتكلم عليه في قصيده ناصر ان مافيها شيء وانه من حقك وجهه نظر ولا هظم حقوق الكل

محمد بن فطيس وين الشعر وين الشواعير

ما عدت اشوف اليوم شاعر يغطي في مكاني

قد كنت اظن الشعر في موقعك يا صاحبي غير

واثار ما به غير ناصر سرج ظهر الحصاني
..
اشوف ان البيتين عاديه جداً

يقول مايشوف شاعر يغطي مكانه ومن حقه يتفاخر. بنفسه وجهه نظر له ،
وللأمانه فيه شعراء .. بس ماهظم حق احد اقرى القصيده كامله ولا تحكم على البيتين ،
وناصر ماححددد شخصص بـنفسه ، والله ماقال انت يالعصيمي ولا انت يالمري والخ
....
اككرر اعجابي بـً. ماطرحت يالشريف

ـ

اخي العزيز رايد العصيمي

الله يسعد هالطله الجميله مجددا

واذا كان عتبك على البيتين اللي ادرجتها فانا اقصد بها انه لم يوجد من يسد مكاني

في اشراف القسم اخي العزيز وليس كما فهمتها انت والله يعزك على ما ادرجت

من احترام لشخصيتي وبالعكس انا هنا اخ اصغر للجميع واشكرك على تنبيهي

للخطا الذي رايته وبالنسبه لكونك شاعر فانت شاعر واهم شي ثقتك انت بنفسك

لا هنت مجددا على المرور والاطراء اما تفسير البيتين فقد اوردته ولواني كنت اود ان تكون رمزيه تحياتي لك اخي العزيز