قبل عيد الاضحى

قبل عيد الاضحى

نهار القصايد يبتدي والكلام يزين=لما بان فرحه جات الابيات رنانه

على الله مساعينا ما دام ان حن حيين=ونفسي على التبريك بالعيد ولهانه

عسى الله يبلغ كل حجاجه الظفرين=مقاصدهم ويضفي عليهم من احسانه

نحرت الخفوق اللي تعنا لكم ذلحين=لجل ينثر التبريك ويسيل الوانه

يلبون حجاج الحرم والشغف فالعين=ونفسي على جح الحرم دوم شفقانه

ولكن على التبريك جيت انثر التلحين=عزيزٍ يشارك فالفرح باقي اخوانه

تضحي مشاعرنا ونمضي طوال يدين=وسعد الذي ضحى عن اهله وشيبانه

ويا بخت من هو يكسي القصر الغرين=ويضفي على مد العطا صوب جيرانه

ويا بخت من هو صام في وقفت اهل الدين=طلب خير رب البيت وعفوه ورضوانه

وهذا فقط تبريك من ناصر بن حسين=قبل عيد الاضحى قمت ابثه ومن شانه

المصدر: الملتقى الجماهيري للشاعر محمد بن فطيس المري

صح لسانك اخوي ناصر
وكل عام وانت بألف خير
وصحه وسلامه
وعيدك مبارك وعسى
ايامك كلها اعياد

ناصر الشريف
لاهنت لاتعودنا الاعلي جزاله ابياتك وتميز مفرداتك الشعريه
يعطيك ربي العافيه ايها القدير وصح لسانك
وكل عام يمر وانت بخير وصحه وسعاده
دمت بــــــــــــفرح لامتناهي لقلبك جنائن الجنه

ناصر الشريف صح الله لسانك والله يعيدها عليان وعليك وعلى كل المسلمين

دمت بخير ودام شعرك الاصيل

صح لسانك
ابدعت
اخي ناصر
ومو غريبه
عليك
كل عام وانت بخير

ابيااات قمه
لاعدمنا ابداااعك
تقبل مروري