من قصائد ابوي

من قصائد ابوي

السلام عليكم ورحمة الله وبراكاته

اسعد الله اوقاتكم بكل خير

هذي القصيده لـ ابوي طول الله عمره

مناسبة القصيدة / أن الوالد حفظه الله وجد عقاب مكسورً جناحه في مكان بر ولا يستطيع أن يطير ويدلي عليه غراب لان العقاب طاحت هيبته

فقال هذه القصيدة 0

ياعقاب ياللي تسحب الريش مكسور=عقب الطرب يلعب عليك الغرابي
يدلي عليك محرث المرح والدور=يوم شاف عجزك وإمتحان الصوابي
واليوم ماتقوا على صيد عصفور=والطير والله ماحسب لك احسابي
هواك حومات السماء وانت مقهور=وفارقت جوك والطوال النوابي
وأنته على ريشن على الأرض منثور=حزين لاكن طاح والعظم عابي
ولا جابرن نفسك ولانته مجبور=وقربك عشاء لمشوكات النيابي
تلبد ملابيد الرخم جاحر الغور=ومن كثر ماتمشي دمرت الحرابي
والله من يومن خذيت الفضاء دور=بين الهضاب وبين مجرى السحابي
واليوم أشوفك في مخاميل واحفور=وقعت من عقب الرفاع الجنابي
دنين بها ياعقاب ماطال مقصور=وياما كلت ياعقاب راسن صحابي
شرسه ليا جارت يجي جورها جور=منها رضيع الديد ياعقاب شابي
وقدمك كلت ياعقاب فكاكت الخور=راحوا طبيعه مع هيال الترابي
وايامهم من دونها مرت أعصور=واخبارهم ماثر عليها الدوابي
وقبارهم ياعقاب بالقبر مقبور=والكل واعماله نهار الحسابي
المسلم المومن مبشر ومسرور=والكافر المشرك يصال العذابي
يومن به الشيطان خايب ومدحور=اليا وصل ميعاد حرم الثوابي
وكلن لقاء ماضيه باللوح محصور=عارين مالبسو لباس الثيابي
الوزن بالميزان والشبر مشبور=ويندم على ماضيه عفن الزهابي
والحق حق وفاعل الحق ماجور=والعالم الله يوم فتش المخابي
ولا أنت طير وجاهلن كل مذكور=ويعلم مصيرك خالقك يالعقابي
وحالك سبب ياعقاب تصخير مصخور=شفت الرخم لعقابها ماتهابي
حتى الغراب اللي تقل راس خيضور=يدلي عليك عقاب راع الخرابي
عقاب دبدوبن رضع بسفل الزور=طيرن عشاه مقيلات الدبابي
وأنت الخطير اللي على درب مخطور=وعليك زاد أنواع عد الذيابي
ولا هو عليك اليوم والأمر مامور=والأمر للخلاق مرس الهضابي
ويا عقاب معك عقبان حضربها الدور=يسوقون لاكن ماتطيع الركابي
والشور عند اللي مضى مالهم شور=وحاضرك ماهو للقديم أصطحابي
وأم الضناء ياعقاب طلعتبها طيور=والمرمره سدت مسد الذرابي
حبرونها مغوار وعقابها ذور=وهذا الزمن ياعقاب سوى أنقلابي
والحق ماجودن يشاهد وماثور=بيوته على عمدانها راس نابي
مبني ويبناء بناه وينور السور=أشعاره علمنا والسيوف الحدابي
والفضل للي سقط الظلم بالنور=هو ناصر الأسلام جال الضبابي
وميزان حق وناصر الحق مشكور=من خص خلاقه عليه المنابي
هذا وعلى داعيه لغيابها احضور=من صح ماهو ميضحان السرابي
والهرج له سبار والسبر مسبور=ومنافقينه بالقلوب ألتهابي
وعندي خبر عن دايج الهرج مدمور=دوار زلات الملا كل هابي
واسكر المنفذ على كل محذور=قولن على داعيه واضح واجابي
ماهي قواف المدعي كل هاذور=اللي نقص ماقال وزن الأدابي
وحال الكسير أحضار قافي على الفور=ومن الله على هداج عذب الشرابي
وتم الجواب اللي على الصح مزرور=جانن ثمر ماطاب من ذوب ذابي
والعرف يلقى عن لقاء العسر ميسور=ومجرب الدنياء مشاها أنسيابي

وسلامتكم

المصدر: الملتقى الجماهيري للشاعر محمد بن فطيس المري

صح لسان ابوك

انا اشهد انها جزله من جزل

لاهنت على الايراد الجميل

تقبل مروري

اقتباس المشاركة الأصلية كتبت بواسطة قـاصد كـريم صح لسان ابوك

اقتباس المشاركة الأصلية كتبت بواسطة قـاصد كـريم انا اشهد انها جزله من جزل لاهنت على الايراد الجميل تقبل مروري

صح بدنك

تسلم اخوي قاصد

شاكر لك مرورك المنير

دمت بخيير

صح لسسسآنه( رآآآئعه ) وتسسلم يمينك ع النقلـ
لآعدمنـآآآك ** والله يطووول بعمر ابووووك
تحيآآآآتي لك ...

اقتباس المشاركة الأصلية كتبت بواسطة نوآدر صح لسسسآنه( رآآآئعه ) وتسسلم يمينك ع النقلـ

اقتباس المشاركة الأصلية كتبت بواسطة نوآدر لآعدمنـآآآك ** والله يطووول بعمر ابووووك تحيآآآآتي لك ...

صح بدنك اختي نوادر

شاكر لك مرورك

مشكوره