اموتـ صآدق .وارفض اعيش كذابـ .

اموتـ صآدق .وارفض اعيش كذابـ .

ياليل مااذكر في حياتي تمنيت
مثل ابتسامه تنتشل قلب منصاب


مليت ورب البيت يالليل مليت
من الجروح اللى تجيني بلا اسباب


تدري ياليل اني على الجرح غنيت
غنيت دمعه والصدى ضم الاهداب


تبي الحقيقه والصراحه ترجيت
فرحه ولكن الزمن بالعطا خاب


ياليل قلي بدنيتي ويش سويت
حتى الهموم بداخلي تفتح ابواب


إن كان طيبي عيب ومشكلتي اوفيت
اموت صادق وارفض اعيش كذاب


طبعي كذا عن ميزتي ماتخليت
عندي مبادي دونها ترخص ارقاب


بيني وبينك ياكثر ماتعنيت
اركض بغرفه مغلقه مالها باب


غرفه وراها فرحتي دونها جيت
اركانها عتمه ولا حولي احباب


كاس الفراق المر منه تقهويت
انا اشهد إن الشوق ياليل غلاب


ياليل انا لاشفت ماعفت قفيت
اقفي ولو خلفي كثيرين الاصحاب


جروحي كل مارحت واقفيت
جتني تحمل صدتي لوم وعتاب


ماذكر ولو مره بحياتي تهنيت
اضحك كذا والصدق عن شفتي غاب


صارت دموعي ضيف وعيوني البيت
ودايم تشوف من المناديل ترحاب


لاشفت شمس الصبح ليديك حنيت
في داخلك حبر القلم بالشقى ذاب


اسريك بالحالي واذا رحت ونيت
مابي تروح ودمعتي بين الاهداب


ياليل قل لصبح اني تمنيت
بس ابتسامه تنتشل قلب منصاب


,, ودي للــجميـــع ,,

المصدر: الملتقى الجماهيري للشاعر محمد بن فطيس المري

؟؟؟؟؟؟؟؟؟؟؟؟
افآآآ واللـــــــه هآآآذي اولهآآآآ
وين ردودكـــــــم ي ربع ..

نقل مميز تشكرين عليه خيتي وننتظر الجديد
أخوك:
فهد...

اتمنى تضعين الجديد في قسم نبض القوافي...
وهذه سوف يتم نقلها ... بعد التوضيح

يعطيك العافيه

اختي قصيده رائعه
يسلم قائلها وتسلم يمينك على نقلها

ياليت كتبتي عليها مماراق لي

قرأتها قبل كذا
وأعجبت بها
تقبلي مروري وشكر لك
على ذوقك

تسسسلموون والله ع المرور ومنوورين

نوادر
صح لسانك واعتلا شانك قصيده جميله
يعطيك العافيه تحياتي وصادق ودي لاهنت

نوادر
صح لسانك واعتلا شانك قصيده جميله
يعطيك العافيه تحياتي وصادق ودي لاهنت

يعطيج العافيه على نقلها

قصيده معروفه

وابيات رائعه

كاس الفراق المر منه تقهويت
انا اشهد إن الشوق ياليل غلاب

صح لسانك واعتلا شانك قصيده جميله
يعطيك العافيه تحياتي وصادق ودي لاهنت