قصيدة غرتك الضحكات

قصيدة غرتك الضحكات

السلام وعليكم ورحمة الله وبركته

اقدم لكم قصيدة جديده

معلومات القصيده
اسم القصيدة .. غرتك الضحكات
عدد الابيات .. 8 ابيات
خلفية القصيدة ..



صاحب القصيدة .. الشاعر طارق حبيب الهنداس
احتوى القصيدة .. تحتوي على نص ومقطع صوتي ومقطع فيديو ..

اترككم مع النص

ياغايتي حبك سكن داخل العين=وما بين رمش العين سوا سوايا
‏دقات قلبي تنتظر منك حرفين=ترضي بها حبي وتسعد شقايا
لكن خاب الضن ياغلى المحبين=غرتك ضحكات البعض والهدايا
مير اقْربي تكفين تكفين تكفين=والله ما ترضيك ذيك الحكايا
الحب ماهو سوق يعرض وتشرين=الحب وهبه من جزيل العطايا
من يرْخص الاول تعافه ملايين=يتوه ما بين السكك والزوايا
روحي عسى دربك ورود ورياحين=وانا باكن الجرح بين الحنايا
هذي سوات الحظ يا حظي الشين=حب وفْراق وظالمين وضحايا

الان المقطع الصوتي طبعا من عدة مراكز تحميل
1-
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
2-
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
3-
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اما الان مقطع الفيديو من موقع اليوتيوب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ودي لكم ..

المصدر: الملتقى الجماهيري للشاعر محمد بن فطيس المري

الله كلمات روعه اذا اللي كاتبهاا باللي في الصوره ماشاءالله على صغر سنه
ويكتب زي هالابيات اجل ماشاءالله اذا كبر وش يسوي بيحطم الرقم القياسي ياسلام عليك
بس عندي ملاحظه باللقاء يكسر بعض الابيات اتمنا قرات النص قبل تسجيله
وصح السانك ملايين تحياي وشكري لك بنتظار المزيد هع هع هع

اقتباس المشاركة الأصلية كتبت بواسطة مبارك الشمري الله كلمات روعه اذا اللي كاتبهاا باللي في الصوره ماشاءالله على صغر سنه ويكتب زي هالابيات اجل ماشاءالله اذا كبر وش يسوي بيحطم الرقم القياسي ياسلام عليك بس عندي ملاحظه باللقاء يكسر بعض الابيات اتمنا قرات النص قبل تسجيله وصح السانك ملايين تحياي وشكري لك بنتظار المزيد هع هع هع

اخوي مبارك يعطيك الف عالف عافيه على المرور وملاحظات جيده يالغلا ..
وان شاء الله القادم افضل وعد مني ..
ودي لك

ماشاء الله
رائعه
صح لسان قايلها

الف شكر تقبل مروري

قصيده روعه

ماشا الله على صغر سنك ومبدع كذا , ربي يوفقك حبيبي !!

قصيده جنااان
ابدعتي فدو
اسم ع مسي

مــن يـرْخـص الاول تعـافـه ملايـيـن

يـتـوه مـــا بـيــن الـسـكـك والـزوايــا

جميعكم صح الله بدنكم ..~
ويعطيكم الف عافيه على المرور
ودي لكم ..~
اخوكم طارق الهنداس .~

أخوي .. اذا الشاعر ذا يخصك

حيه لي .. وقله فالك التوفيق

لاكن بالله عليك اذا يخصك

قله لايكرر الكلماات لان تكرار الكلمات تضعف النصوص الشعريه

مثـل تكفين تكفين تكفين ..

انا اشوف التكرار ضعف شعري ماهو ابدااع

وجهة نظر

آخووك / ميولي شعر