انقل علوم الطيب

انقل علوم الطيب

يا قلبي اللي للنصايح تجاهلت=ترك طريق اللاش وابعد عن اللاش

ما دمت بهموم الليالي تواكلت=حذراك من خوه تعود على ماش

النذل لامنك بدربه تساهلت=يصرف غرابيل المذله لكم كاش
...
بالله لا منك بوجهه تقابلت=لا تحتزم به لا ولا تربط الجاش

وان كان في لحظه برقمه تواصلت=خل العنا فالروح مهما الغوا طاش

وانقل علوم الطيب لامن تناقلت=ولا تكون بنقل الامجاد غشاش

واللي عن العفه رحل وافتلت فلت=كبه عسى تاليه من بطن رشاش

عليك خوة راعي الصيت لا خلت=اللي على طاريه طبع الوفى شاش

والزم مواجيب الكفو لا تصاملت=واترك سبيل اللي للاعراض خداش

ما دمت بعلوم المراجل تكاملت=لا تشتكي ضيم الليالي والادباش

انا معك يا قلب والله ما ملت=عايش معك والعز في داخلي عاش

بعض العرب دمه تقادح كما الفلت=قلبه غراب ومظهره كنه الشاش

وان كان طول الوقت يا قلب جاملت=تصبح رعيه للمواشي والاحباش

عليك سلت النجس يا خافقي سلت=حتى تصفي ما بقى جوف الاحواش

ما دمت من روس المعالي تناسلت=خل الردي بافعالك اليوم ينداش

المصدر: الملتقى الجماهيري للشاعر محمد بن فطيس المري

يعطيك ربي العافية ,,,

النذل لامنك بدربه تساهلت
يصرف غرابيل المذله لكم كاش

صح والله لسانك يابو حســـــــــــــــين ..
مبطي وانا معجب في قصيدك ..
الله يكثر من امثالك ..
تقبل مروري البسيط

صح لسانك ي ناصر شاعر مافيك
بيض الله وجهك

الــنـــذل*لامــنـــك*بــدربـــه*تـسـاهـلــت //يـصـرف*غـرابـيـل*الـمـذلـه*لـكــم*كـــاش
مدري ويش رايك ي ناصر؟؟؟
تحياتي وصادق ودي لاهنت

اشكر الاخوه الذين سجلو مرورهم وكنت واثق من اقتباس البيت

هذا بالذات للجمع في مخاطبة المفرد وهذا من تعظيم المفرد في عين القارء

فل تضاف معلومه جديده اليكم فان العرب يخاطبون المفرد بخطاب الجمع

لتعظيم هذا المفرد ارجو ان تكون قد وصلت المعلومه ولو بحثتم في كتاب الله لوجدتم خطاب الجمع للمفرد تحياتي للجميع

صح لسآنك ..

مشرفتنا العزيز رمق صح بدنك

وتسلمين على المرور تقبلي تحياتي وخالص تقديري

صح لسانك شاعرنا

مبدع ومميز دوم


يعطيك العافيه

ناصر الشريف
كفو كفو كفو يالقرم
شاعر رائع وجزل ومذهل إلى مالانهايه
صح الله لسانك حتى ترضى
ولا هان بوحك الراقي
تقبل مروري بكل الحب كما احب وتحب.

الله الله عليك وصح الله السانك ومو غريب عليك الابداع ياالمبدع قصيده رائعه كروعتك
ودي وتقديري