أكثر من صوت وصدى رائع للنجمين ( ناصر الشريف وأمير الشريف)

قهرنا كل عاصي يالخصوص ان كان ثار وشاش=وجينا بالقوافي والمعاني جالها هبره

نغني دون لا نزعج عرب ونورد العطاش=ونكسر كل عظمٍ ما حد اتجرا على كسره

نسوي للبلاغه حس ما يستوعبه الادباش=ونرمي بالقوافي صيدنا ونخدر الابره

تحزمنا المناكب يا صبي بالسيف والرشاش=ولامنا كسرنا مخ شاجع ما نفع جبره

تصور هامتك بين العرب متزبرقه بفلاش=ولكن للاسف بينت انا ثم شفت ما تكره

تقول الجمس وحسين الذويد وترفع الطواش=وياتي بعدها هباش وزبره ما معه دبره

ترا ناصر ليا منه تعنى للقوافي طاش=جعل من جلدك رداه الذي ما بان به وبره

يموت القاف لا غبنا والا جينا يقولو عاش=نسوق امواج شعر ونزفق الدفره ورا الدفره