لعنبـــوهــا

لعنبـــوهــا

اولى مصافحي

ياناشدن عن حال حالي ترى حال...

...رجلن فقير ومبتلش في ضيوفه


واللي بجيبه حزمت اهموم وريال...

...مقطوع خايف لاحد انه يشوفه


حده زمانه وبتلش بين الاحوال...


ماغير يدعي ثم يصفق كفوفه


....هذا ترى حالي وانا سالي البال


انسان تايه بين حزنه وخوفه....


اسمه سعودي يلبس اشماغ وعقال

لكن ظروفه لعنبوها ظروفه


....عايش مابين الهم لا عم لا خال


محدن لمس كفه وهامز كتوفه.....

...يشره على ياليت والحلم والفال


ويقول باكر جعل به ما يحوفه....


...واليا لافى باكر بكاء زيف ومحال


ليله طويل وشمس حظه كسوفه....

...ذنبه نما في وقت خاين ومحتال


وكلن على زادهـ مضمن سيوفه....


هذا ملى كرشه بتغسيل الاموال


وهذا سرق من درج عمه وشوفه


يعني زمانن تنقتل فيه الابطال....


....ولا الردي عايش بحـالن تروفه


دنيا تهين الحر في عصر الانذال....

...قصت جناحه والمصايب تطوفه


حسبي عليها حطمت كل الامال....

...حالي غدا مسرح وترسم بروفه


ابكي من البارح وانا اليوم لا زال....


...دمعي يهل ولا احدن له يلوفه


هذا ترى حالي وانا سالي البال....


انسان تايه بين حزنه وخوفه


اسمه سعودي يلبس اشماغ وعقال


لكن ظروفه لعنبوها ظروفه



ثامر العنزي

المصدر: الملتقى الجماهيري للشاعر محمد بن فطيس المري

لعنبوها ظروفه


لله درك يابن وايل قصيده ماهي اي قصيده

صح لسانك يالغالي ولا حرمنا جديدك


تحياتي لك

صح لسانك ياثامر

قصيده اعجبتني بصراحه


ولعبنوها ظروفنا كلنا


لاهنت

لك تحيه

اولا ارحب تراحيب المطر والسيل

وحياك الله اخي ثامر

بين اخوانك واخواتك واتمنى ان تفيد وتستفيد

اما بالنسبه للقصيده فصح لسانك حتى ترضى

نص شامخ يحكي عن الواقع الذي نعيشه

سلمت يمناك اللتي خطت لنا هذا الابداع

تقبل تحياتي وخالص تقديري

ثامر ياهلابك مليون

وصح الله لسانك وعلا شانك

وبيض الله وجهك على هالجزاله اللي من راسن جزل

بس عندي ملاحضه بسيطه بس :

اسمه سعودي يلبس شماغ وعقال ....لكن ضروفه لعنبوها ضروفه

لو كان اصله بدل اسمه لكان افضل لأن الاسم هو اسمك وليس جنسيتك

اتمنى ان لا اكون زعلتك في هالقصيده اللي حازت اعجابي وسجلني احد معجبينك

لاهنت طال عمرك ولك كل الود والاحترام

ابداع وهذا يدل على التألق الفريد لله درك والقصيدة جزلة

وما لاحضه الشاعر صح ولكن ياكثر ماعندنا من اخطاء

بسيطة وتعدل من شرواك انت مبدع الله يعافيك

صح لسانك يـ الوآيلي..وأبيات جزله

وشاعريه جميله


دمت لنا ولـ القصيد..لاهنت وننتظر جديدك

ارحب ياثامر وحياك الله .. شاعر ترجم احاسيسه في نص حمل الكثير من المعاني والصور الشعريه ..

كتبت فأبدعت ياثامر ولكن مثل ماقال اخوي الشاعر عيد لو قلت اصله بدال اسمه لكان المعنى افضل وأتم ..

وعندك خطا مطبعي في هذا الشطر ( واليا لافى باكر بكاء زيف ومحال )
وانت تريد انت تقول لفى .. عالعموم .. صح لسانك مدد بلا عدد وبيض الله وجهك ولا تحرمنا جديدك ..

اقتباس المشاركة الأصلية كتبت بواسطة العقاب لعنبوها ظروفه لله درك يابن وايل قصيده ماهي اي قصيده صح لسانك يالغالي ولا حرمنا جديدك تحياتي لك

صح بدنك يالغالي لا هنت على الحضور المميز والرآآآئع تحياتي لك

اقتباس المشاركة الأصلية كتبت بواسطة عيوني حزينه صح لسانك ياثامر قصيده اعجبتني بصراحه ولعبنوها ظروفنا كلنا لاهنت لك تحيه

صح بدنك يالغلا لـ ي الشرف بعجابك لا هنت
ودي لك~