المال والفقر

المال والفقر

المال خلا خاسي الاصل مرفوع=والفقر دنا كل نفسٍ عزيزه
والمال يرفع صيت ويخلد ربوع=والفقر يهدم كل طنب وركيزه
والمال اصبح يا هل العز موضوع=حبه بالانفس صار طبع وغريزه
والفقر اصبح ميزة الخوف والجوع=والهم باهل الفقر قد صار ميزه
كم تابعٍ بالمال قد صار متبوع=وامره ينفذ في دقايق وجيزه
وكم من شليٍ كان للناس ينبوع=واقبل عليه الفقر وانهى فزيزه
وكم من قيادي قوم بالفقر مصروع=وكم من خسيسٍ بالدراهم لزيزه
يلعن ابوه الفقر كم سيل دموع=ويلعن ابوه (المال) واللي يحيزه

المصدر: الملتقى الجماهيري للشاعر محمد بن فطيس المري

هذي هي الحقيقه ياناصر

صح منطوقك على قولهاا

لاحرمنا جديدك يالمشرفنا


تحياتي لك يالغالي

آلله عليك يـ ناصر

أبيات كلها حكمه وجزآله

صح لسانك مليوُن ولاتسّد

لاهنت يـ الغالي

ناصر من يومك مبدع

صح الله لسانك وعلى شانك واشهد انك صادق ان الفقير مستضعف
والغني مخدوم ومحشوم

بيض الله وجهك طال عمرك على هالجزاله اللي مهيب غريبه منك

ودي واحترامي

الله الله .. ابداع ياناصر وابيات تضمنت واقع نعيشه .. صح الله لسانك يا أسد الشعر وبيض الله وجهك ..

تحياتي لشخصك الكريم ..

العقاب صح بدنك

ولا هنت على المرور الرائع

تقبل تحياتي وخالص تقديري

نايف الشريف

صح لسانك ولاهنت على القصيده الاكثر من مميزه

امتعتنا بما قدمت

تحياااااااااتي

ليل العاشقين صح بدنك

ولا هنت على المرور يالغالي

وتقبل تحياتي وخالص تقديري

ابن دمخه صح بدنك والله لايهينك وبيض وجهك على المرور


وتسلم على الاطراء الجميل تقبل تحياتي وخالص تقديري