يابو هلا ,,

يابو هلا ,,

بسم الله الرحمن الرحيم ,,

السلام عليكم ورحمة الله وبركاته ,,

نضع لكم ابيات وهي عندما كنت خارج المملكه في رحله علاجيه ومن دافع الاشتياق الا الوطن وقد لاتكفي تعبيرا ً عنه لكم الابيات واتمنى ان تنال اعجابكم ,,

لاذعذع الشرقي وجاله نسانيس=يطيب للقلب المولع براده
يجلا هموم ٍ وسط قلبي محابيس=لو كان قلبي ماتحقق مراده
شهرين راحت بين حزن وهواجيس=اسهر طويل الليل كفي وساده
في ديرتن ضمت جميع الاجانيس=فالمانيا لارحم منهي بلاده
منها هموم القلب صارت مقابيس=بين الحنايا تجتمع بالزياده
والضيق ماله في ضميري مقاييس=وطب المداوي ماحصل فيه راده
يابو هلا لاحل ليل الدغاميس=قام العنى يقدح بدمي زناده
اغيب عن واقع حياتي ثم اقيس=زرع ٍ زرعته مانفعني حصاده
الله ولاجهد ٍ عليه الكراريس=عانق ودادي من عذابي وداده
يقرع بشرياني طبول ومراويس=ياعنك ماطاب الهناء والهواده
ووهج ٍ يشادي واهجات المحاميس=لاشاب لون الليل واقفا سواده
يبعث شجون ٍ في ضميري متاريس=والا الزمن محد ٍ قدر في جهاده
متى على الله يذكرون المناكيس=لـ رض ٍ غلاها له حبال القياده
لـ رض السعوديه ديار القرانيس=اخوان نوره كاسبين السياده
اهل الفخروالطيب واهل النواميس=كل ٍ على النوماس عنى جواده
اهل المكارم مبعدين المراميس=اهل الفعول الي عليها شهاده
هي غاية علاجي وكل المقاريس=نسناسها طب الشقى والزهاده

وسـلامة نـواظـركم ,, خـالـد الـعـتيـبي .

المصدر: الملتقى الجماهيري للشاعر محمد بن فطيس المري

رووووووعه

صح لسانكـ

واعتلا شانكـ

شاعر جزل

ضامي الشوق حياك الله ,,

صح الله بدنك وصح قلبك وكلك ولاهنت على حضورك المضئ ,,

خالص تحياتي وتقديري لك .

هلابك ومرحبابك اي والله انك صادق الغربه مره
ومافيه مثل بلادك الي ربيت فيهاااا
صح لسانك مليون ولايكفون انت ياخوي اسطوره
في عالم الشعر ربي يسعدك مداد بلا عداد
ولاهنت وسلمت *

والضيق ماله في ضميري مقاييس وطب المداوي ماحصل فيـه راده


صح لسانك / ابيـات جزله من شاعر جزل

حياك الله يامحمد الوريكي ,,

عساك سالم وصح الله بدنك وصح قلبك وكلك ولاهنت ياغالي على اطراءك الجميل ,,

تحياتي وكل تقديري لك ياعم .

حياك الله يحيى ,,

صح الله بدنك وصح قلبك وكلك ولاهنت ياغالي على تعليقك واطراءك ,,

شكري وتقديري وكل الاحترام لك .

صح لسانك يابو عتب

اشهد انك وافي

والله يرجعك للديار الي اشتاقت لك قبل تشتاق لها

حياك الله يارائد ,,

صح الله بدنك وصح قلبك وكلك ولاهنت والله يكتب الي فيه خير ويعز بلادنا وبلاد الاسلام كافه ,,

خالص تحياتي وشكري لك على حضورك المضئ .

صح السانك والله يشفيك ويشفي مرضا المسلمين اجمعين