محماس جاير

محماس جاير

الاذيه ما تساوى والتحيه=والمشاكل ما تجبرها الجباير
لكن حروف المشاعر جوهريه=بس وين اهل البصر واهل البصاير
القوافي في ضميري سرمديه=ترتسم في داخلي مثل البشاير
شاعر اقلٌب موازين البريه=والادب في داخل الوجدان ثاير
هاك ياللي تسمع الصوت ودويه=دام ناصر حسه الطاغي مغاير
امتلك حس الشعر بالعنجهيه=وانفرد بالحس يوم الحس طاير
لا حضر يردف على الكيه بكيه=وان وقف تاقف معه كل الحراير
يا جبال الكون دام الشمس حيه=كوني لحروفي الغرا طواير
ما بغيت ابين اطراف القضيه=لكن المجرم غدى بالظلم ساير
ويش قصة قيس ليلى العامريه=يوم عقله راح والوجدان حاير
هل بكى ليلائه وصار الضحيه=ام فقد ليلائه وهل العباير
امنيات الشوق سارت بالبريه=والله اللي يعلم بحال السراير
لا تمادا الجاهل وجاب الرزيه=راحت ضلوع الشلي منها كساير
جيت ابا اعين لي من الشمس فيه=شفت فيات البشر (محماس جاير)

المصدر: الملتقى الجماهيري للشاعر محمد بن فطيس المري

صح لسانك ياناصر .. دائما مبدع وتحلق في سماء الشعر .. الجزاله لا تخلو من نصوصك ..

بيض الله وجهك ولا هنت .. تقبل مروري واعذر قصوري .. لك مني ارق التحايا

يجبال الكون دام الشمس حيه .. كوني لحروفي الغرا طواير


... ناصر الشريف ...


ااالله ااالله عليك يامبدع جزل ولافيك قصور يالذيب

تقبل مروري تحيه لشاعريتك الرااائعه

شاعريه مميزه..ومعنى جزل..أخوي الشاعر ناصر..أنت مُنفرد هنا بتميّزك..شخصياً أبياتك تجذبني أكثر

آلله يديم لنا قصيدك..لاهنت يالذيب

ناصر ماتحتاج شهاده وانت ربان السفينه هنا


صح لسانك ولاحرمنا دررك الشعريه


تقبل مروري


تحياتي لك

امير الشريف

نايف الشمري

ليل العاشقين

العقاب

صحت ابدانكم جميع والله لا يهينكم على المرور الرائع

ولا افي مروركم المتواصل

تحياتي لكم جميعا كل واحد بسمه

ناصر شاعر مبدع كما هيا عادته


صح لسانك يالغالي

وبيض الله وجهك

ابيات رآآآآئعه

لا هنت

دمت بود~

ثامر العنزي صح بدنك وبيض وجهك

ولا هنت على المرور الجميل

تقبل تحياتي وخالص تقديري

سلمت وصح لسانك

مبدع بابياتك الراقي اخوي ناصر

لاعدمنا جديدك المميز

تحيااااااااااااتي

صح لسآآآنك وعلى الأخرى عانك
جزله وربك

تحيتي..