شعري بآيآديك,,,

شعري بآيآديك,,,

السلآم عليكم ورحمة الله وبركآته
لعلّهآ تشفع لغيآب شآعرهآ

اي والله أحبك وقلبي يدآريك=ياللّي نويت لعآشقك بالمسرّه
أفرح ليا من شفت برّآق خديك=واصد من عينيك خوف المضرّه
اعروق قلبي بالموآصل تناديك=وتقول دامك جيت دربه فمرّه
ارحب ثم ارحب جعل ربي يحييك=ترحيبتن تملآحدود المجرّه
يا أول غرآمي والله أني مخليك=يادرتن ماشآبهت كل درّه
وآمر وتلقى مآبغيته بآيآديك=وأسرع من البرآق لي جآك دَرّه
وأنهى وانآ والقلب شبيك لبيك=ناطا الحفا ونذوق برده وحرّه
وليآ طرفك الرآس نخلف قهآويك=وندّوّر الفنجآل ستين مرّه
وابشر بمن يحكم عليك الشبابيك=ويطآوح العذآل كرّه وفرّه
فان كآن طآب القلب فالقلب تمليك=يبطش لعين الحب لله درّه
وان كآن تبغآلي دروب التهآليك=بانصحك خل العشق خيره وشرّه

المصدر: الملتقى الجماهيري للشاعر محمد بن فطيس المري

صح لسانك اخوي عبدالله

ولاهنت وبيض الله وجهك على الجزاله

المليئه بالنص ..


عذب التحايا

صح لسانك وعلى شانك شاعر جزل
وقصيده جميله جمل الله حالك

ارحب*ثم*ارحب*جعل*ربي*يحييك/// تـرحـيـبـتـن*تـمــلآحــدود*الـمــجــرّه


شطر البيت الاول عسفته كثير لو كان
ارحب وثم ارحب وربي يحييك

لكان اسنع وجهة نظر فقط عساك تدوم ويفدونك الرخوم
تحياتي لك ولاهنت

ارحب ثم ارحب جعل ربـي يحييـك.....ترحـيـبـتـن تـمـلآحــدود الـمـجــرّه

اختار من ابياتك ترحيبه لك ارحب يابو عابد بعودتك
فقددددناااك والله مرحبا ومسهلا وصح الله لسانك ولا تعود الغياب يالغالي

صح الله لسانك
انا اشهد انك شاعر كفووو

وعليكم السلام ورحمة الله وبركاته ,,

هلا حياك الله عبدالله,,

صح الله لساانك وصح كلك ولاهنت ابيات وافيه وكافيه ,,

تحياتي وتقديري لك.