رد على قصيدة الاخ ( شنق ونق )

رد على قصيدة الاخ ( شنق ونق )

السلام عليكم ورحمة الله وبركاته ,
هذا رد متواضع مني للأخ : شنق ونق , وإن شالله يسامحنا وتسامحونا ان كان قصرنا
لآن قصيدة الاخ الغالي , صعب الرد عليها , درر × درر , وانا سجلت هذه القصيده بهذه السرعه
لضيق الوقت , بكره مسافر , وحالف ان اخلصها قبل اسافر ,


هذه قصيدة اخي الغالي ( شنق ونق )
يا عين بثي بالتحيه والوقار بلا ثمن
لاهل الوفى والجاه واختصي عزيزين الجناب

ما دامت الانفاس في جوفي لعب فيها الزمن
خلي من صروح المعالي مدهل لكل اضطراب

النور لو فارق عيون الشوق ما غير الوطن
يرضي هوا المشتاق لو كان الهوا ماله حساب

انا موجه للسناني بيت معناه استكن
في جوف صدري لين معلوقه من الحرمان ذاب

قل لي وش اخبار العرب من بعد صدمات الفتن
وايضا ظروف بخيت جبها وانثر حروف الجواب

انا الخوي اللي بعثه الله من غب المحن
وانا الرفيق اللي كسا التعبير من صمت العتاب

وانا معك في كل موقف يا رفيقي لن ولن
ارضى سوا باللي رضيتو به ولو ضاع الزهاب

فاذا عرفت اكون يا عبد الله من الناس من
عطني جوابك لا تردد دام لك قدرٍ مهاب

انت الذي بروزت بعيوني من المعنى لحن
وانت الذي سلهمت باطراف الحكي والراس شاب

بلغ بخيت افضل تحياتي وقل له ما سكن
جرح الليالي الماضيه حتى به الوجدان طاب

امسى يعوث بداخل الوجدان حتى انه مكن
ما بين تفسيرات معنى القول ولعاب الصواب

رفيقك اللي من زمان اشتاق وعيونه بكن
في جوف يوكوهام يتمنى جناحين السحاب

انزاح من ضيمه شوي وزاد به سقم البدن
حتى غدا مثل العصا يمشي ومشيه باكتآب

ان مر طاري ديرته جسمه بقاعه ما اتزن
وان مر طاري خوته يشكي من انواع العذاب

ارجوك يا عبدالله الحقني ترا العمر اندفن
ترا جوابك يبعث النشوه علي من كل باب

قلبي معك وزمام قلبي في يدينك والرسن
قل لي وش اخبار العرب قل لي وش اخبار الرحاب

قل لي وقل لي كل ما مريت من وادي قطن
هل عاد به للصيد ماريه ام ان الصيد غاب

هذي رساله من بلاد الخارج لقلب الوطن
صوب السناني مالها غيره من الناس احتساب

ــــــــــــــــــــــــــــــــــــــــــــــــــ ــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــ



[color="rgb(0, 100, 0)"]وهذا ردي المتواضع [/color]

يامرحبا بك ياهلا بـعــداد ماهــل الــمــزن
*وعداد ماقلبي خفق وعداد وصدمات الغياب

دقات قلبي من قريت بيوت شعرك ماهدن
** قمت اتذكر واتذكر لين راس الفكر شاب

هذي هي الدنيا ولازم تتعب وتدفع ثمن
** دنيا شقا دنيا عنا ونهاية الرحله تراب

نطرد ورى مايكتبه ربي ومافيها زبن
ونشوف صدمات الزمن تأتي على ظهور الركاب


لاتكتم اللي في خفوقك هات ماعندك بفن
*تلقى الردود من السناني محكمه حكمة صواب

ابشرك وابخيت طيب من بعد غيبه لكن
* الطب يبغى له قلوب وساع واجرن واحتساب

دامك معي فانا معك حتى لو ضروفي قسن
** ابقى معك دامك معي لو بالذهاب وبالاياب

الي الشرف لو كنت اعرفك فيه هيل وفيه بن
** نقدمه للطيبين اللي سواتك يالعقاب

انت اللذي حيرت فكري لين ماعيوني بكن
** جبت البيوت اللي تجيب الغيم من عقب السراب

ان كنت متغرب عن ديارك وهاجرت الوطن
** انا هنا بارض الوطن ضاقت بي فجوج الرحاب

اسهر طوال الليل وعيون المولع ماغفن
** اقول للماضي وهم واقول للواقع ضباب

في كل يوم تضيق في وجهي واقول افرح غدن
**لآشفت فرحه لاغدن ولا اهتنى قلب العذاب

الوقت يرسل لي هموم ثقال في ميزان طن
**يالين شاب الراس وانا بعد في سن الشباب

مافيه راحه يابن عمي غير في وسط الكفن *
* لاصرت طايع ربك ومؤمن بما وسط الكتاب

والعذر منك ان كان قصرنا قصور بدون ظن
** مافيه كامل غير رب البيت واقبل هـ الخطاب

روضت لك راس القصيده لين الابيات جهزن
** ابيات شاعر حطها مابين ضرس وبين ناب

المصدر: الملتقى الجماهيري للشاعر محمد بن فطيس المري

هذي هي الدنيا ولازم تتعب وتدفع ثمن
** دنيا شقا دنيا عنا ونهاية الرحله تراب

صح لسانك ياعبد الله والله إنك شاعر
ولكن أعجبني هذا البيت

رائع وابداع وشاعريه رد وافي بسلاسة قوافي صح لسانك

الآهنتم على المرور , والله يعطيك العافيه

رد جزل وواااافي

صح لسااااانك وسلم بناااانك




لاهنت وتسلم

0000000000000000000

لاهنت وصح لسانك على المجاراه الطيبه

الله الله صح الله لسان ولاهنت وبيض الله وجهك قصيده جزله من راس جزل
ورد وافي على شنق ونق مافيك قصور ولا في شنق ونق قاصر
لاهنتوا اطربتونا وربي

صحت ابدانكم جميع , ولآ هنتو على المرور

روضت لك راس القصيده لين الابيات جهزن
** ابيات شاعر حطها مابين ضرس وبين ناب

شهادة حق تذكر أن القصيده من أجمل ما مر علي من زمن
صوت وصدى راااااائعين لله دركما ولنا الدرر
تقبلوا تقييمي وتقديري
أختكم ترانيم