قصة الدوسري وزوجة الشمري

قصة الدوسري وزوجة الشمري

هذي قصيده قالها ((حمد عبدالله الدوسري)) لصاحبه ((حمود السطام الشمري)) من باب الضحك والمزاح والسبب انه الدوسري اذا سير على الشمري وجلسو في بيت الشعر يسولفون كانت زوجة الشمري واسمها ((شريفه)) تعدي عليهم صينية القهوة والشاهي وتجلس ورا الباب تتسمع لقصايد الدوسري وسوالفه وهو ماكان يدري,,ومره من المرات بعد ماتقهوى حمد قعد يسولف لصاحبه حمود عن الزواج من وحده ثانيه وانه لازم يجرب هالشي وكل القصد كان مزاح في مزاح والشمري قال والله فكره حلوة بس انا مقتنع باللي عندي وشاكر ربي عليها...رد الدوسري ليش ماتاخذ لك وحده من بنات الشام؟؟وقعد يقنع في الرجال والرجال يفكر بكلامه..طبعا صاحبنا مادرى انه الجدران لها اذان مثل مايقولون وان المره جالسه تتسمع لهم..ردة فعلها اللي جت بدون تفكير انها راحت للمطبخ وجابت سكين وخذت انعال الدوسري وقطعتهم ونزلتهم عند بيت الشعر..ولما جا صاحبنا بيطلع حصل انعاله مقطوعه ..فهمها وسكت وماقال شي للشمري وانقطع عن الشمري فتره ماعاد يجيهم في البيت وبعد ماطلعت معه هالقصيده كتبها وسير على بيت الشمري وطق الباب وردت حرمته من ورا الباب...
قال ابغى حمود...... قالت: ماهو فيه الين تترك طواري العرس عند زوجي!!
ضحك وقال يامره فيه ورقة ابحطها عند الباب اقريها....

وكانت هالقصيده ::

وسقت الرجل للدار العفيفه========== وحصل لي قصة والله لطيفه

فقلت اروح ومرادي مسير==============لدار اللي يعز اللي يظيفه

لدار الشيخ وشيوخ المعزة===========نجيه اعصير والمقصد نظيفه

تقهوينا وطابت لي سوالف===========وبدى للمزح من كيفي وكيفه

وقلت المزح ماقصدي نذاله===========تخير ساميه والا لطيفه

تحب العرس والخفرات واجد==========تبي لك وحده فبشر لك وليفه

وقطع لي شي ماوالله اقوله==========تقطع بالسكاكين الرهيفه

وهي نسل الشيوخ اهل الشكاله=========شريفه من شريفه من شريفه

يقولون المحبه من عداوة===========واقول والجو ظني من مصيفه

والى من جات واصتكت جمايع========== ترى مال للحليف الا حليفه

فقلت الصدق من نشكي عليهم؟========شكيت حمود والمشكى شريفه

المصدر: الملتقى الجماهيري للشاعر محمد بن فطيس المري

هههههههههههههه ..
الله يعافيكك روابي .. لاهنت ي الغلا ..
امتناني*