قصيدة اجتماعيه

قصيدة اجتماعيه

	قصيدة اجتماعيه تحكي عن صورة حقيقيه موجودة في كثير من المجتمعات الأ م لامـــــــن زوجــت بنتها زيــن - - - - لالاتـــدقــــدق في النــــهايه وراها فـــــــي كل يوم وتتــصل كيف يا عــين - - - - كيــــف الـــرجل ويــــاك هاهاوهاها البيت شفته شين وشفت الكنب شـــــين - - - - حتــى ثيــابك شـفتهـــا يـــــاغثاها لازم تروحي السوق يابنتي هــــــالحـين - - - - ولابــد تــمــــر يعنـي تسوق معاها وشفت الصحون والله وع يالمـــــواعين - - - - قـــوليله يغــــير صحونــــك بلاها في السوق جات صحون نوع المــلامين - - - - مـــحدن مـــن النسوان قبلك شراها حتى الذهــب يابنتي لازم تـــــــشــــوفين - - - - شوفي بنات فــلان وش قد عطاها وانتي على الدقه القديمه تــــــعــيــشين - - - - ويــن الحضارة مـــــامشيتي وراها الزوج نفسه واصله في الخشم لــــيـــن - - - - الــحرمه طــــــلقها ودور ســواها وراحت ضحية أمــــها وضعها الشيــــن - - - - ضـحكه بـوجه الناس ووجه اقرباها شعر //موسى ابومشهورالصايغ

المصدر: الملتقى الجماهيري للشاعر محمد بن فطيس المري

موسى ابو مشهور ،،

شاعر رائع ومتمكن وراقي بكل ما تعنيه الكلمة
جميل أن يتطرق الشاعر لاكثر من موضوع في قصايده
وانت شاعر تكتب بفكرك النيّر الراقي ومتميّز .

تقبل مروري وموفور احترامي
أخوكـ
عبد العزيز الهزاع

ماشاء الله . . . صح لسآنك موسى
آبيات رائعه وموضوعها أروع من شاعر مبدع ومميز
والام اللي تسوي كذا ماهي ام ليش تدمر حياة بنتهآا
أنا لو مكان الزوج ماأطلقهآ بس اتزوج 3 < < مجرمه

تسلم موسى . رائع دائمآا الله يحفظك يآرب

الاخ الراقي بمرورة عبدالعزيز الهزاع بيض الله وجهك ودمت يالغلا
على مااثنيت بمتصفحك من هنا

الاخت الماسه شكرا جزيلا على مرورك من امام هذا النص

وشفت الصحون والله وع يالمـــــواعين - - - - قـــوليله يغــــير صحونــــك بلاها


ههههههههههههههه و نعم الأم ,,, حريصه
ممتع عندما تكتب فـ تناقش مشكله إجتماعيه بـ أسلوب
يتقبله كل من كان محل الإنتقاد

مبدع

بعثرة بوح شكرا كل الشكر على المرور من تشرفنا بقلمك الراقي
اخوك الكبير موسى ابومشهورالصايغ

صح لسانك يبو مشهور وكثر الله من امثالك

شاعر جزل ودائما ما تتحفنا بالجديد

صح السانك يابو مشهور ولا هنت

على الابيات الجميله والمعبره

شاعر متنوع وجذاب اشكرك على النص

دمت بحفظ الرحمن

صح لسانك يبو مشهور القصيد الاجتماعي
له متابعين ومستمعين وفيت وكفيت
ولاعدمناك مبدع بجميع حالتك تحياتي
لك يبو مشهور ولاهنت